ஸனாதானம் சாகட்டும் …

 

                 ஸனாதானம் சாகட்டும் …

ஒற்றைச் செங்கல் காட்டி

எங்கே எய்ம்ஸ்..?

எனக்கேட்ட குரல்

தமிழ்நாடு முழுக்க

எதிரொலித்தது…

 

எதிர்க்க வேண்டியதல்ல…

ஒழிக்கப்படவேண்டியது

ஸனாதானம் என்னும் குரல்

இந்தியா முழுக்க ஒலிக்கிறது…

 

ஒடுக்கப்பட்டோர் எல்லாம்

ஓரணியில் திரண்டு

சனாதனத்தின் பெயரால்

சாதியின் பெயரால்

இந்த இந்தக் கொடுமை எல்லாம்

எங்களுக்கு நிகழ்கிறது

என ஏதோ ஒரு மொழியில்

பேட்டியினைக் கொடுக்க...

சில மணி நேரங்களில்

அந்தப் பேட்டி இந்தியாவின்

அனைத்து மொழிகளிலும்

ஒளிபரப்பாகிறது…

 

பல மொழி நண்பர்கள்

அவரவர் மொழிகளில்

பாராட்டப்படும் தம்பி உதயநிதியின்

யூ டியுப்பை நமக்கு

அனுப்பி மகிழ்கின்றார்கள்…

எங்கள் வாழ்த்தை,பாராட்டை

உங்கள் மூலம் சொல்லி

மகிழ்கின்றோம் என்கிறார்கள்..

 

இந்துக்களைக் கொல்லச்சொல்கிறார்

என அநியாயமாய்ப் பொய்

பரப்பியவர்கள் அடிவயிறு கலங்குகிறது…

தமிழ்நாட்டைப் போல

பார்ப்பனர் அல்லாதோர்

ஓரணியில் திரண்டுவிடுவார்களோ

ஸனாதானம் என்பது அவாளுக்கு

அதிகாரம் தரும் ஏற்பாடு

என்பதை இந்தியா

முழுவதும் அறிந்து கொள்வார்களோ

எனப் பதறுகிறது பார்ப்பனிய ஜனதா…

 

ஸனாதானம் ஒழிக

என்னும் குரல் இந்தியா

முழுக்க ஒலிக்கட்டும்…

ஆயிரமாயிரம் ஜாதி

அடுக்குமுறை

குப்பைக்கூடைக்குள்

தூக்கி எறியப்படட்டும்..

ஸனாதானம் சாகட்டும் ...

சமத்துவம் மலரட்டும்!...

 

                              வா.நேரு,

                               06.09.2023