பகுத்தறிவு அடிப்படையில்
இதுவும் ஒரு நாளே எனினும்
புதிது புதிதாய் மனிதர்கள்
சபதம் எடுக்கும் நாளிது…
எழுதுவேன், நடப்பேன்,
அளவாக உண்பேன்,
இதமாகப் பேசுவேன்
இப்படி எத்தனையோ
உறுதிமொழிகள் நமக்கு
நாமே எடுத்துக் கொள்ளும் நாளிது!
எடுக்கும் உறுதிமொழிகளை
நமக்கு நாமே நாளும்
நிறைவேற்றும்
இனிய வருடமாய்ப் பிறக்கும்
இந்த வருடம் அமையட்டும்!
புத்தாண்டு வாழ்த்துகள்…
முனைவர் வா.நேரு,31.12.2024..இரவு
குறுங்கவிதை
நினைவுகளை எப்படிப்
பத்திரப்படுத்துவது?...
உள்ளத்து உணர்வுகளை
எதிர்காலத்து மனிதர்களுக்கு
எப்படிக் கடத்துவது?...
வாழ்வின் இனிப்புகளை
அடுத்தவர்கள் மனதிற்குள்
கொண்டு சென்று
இனிக்க வைப்பது எப்படி?
கொடுமை கண்டு கொதிக்கும்
நம் மனதின் வெப்பத்தை
அடுத்தவர்களும் உள்வாங்கி
செயல்படவைப்பது எப்படி?
எல்லாவற்றிற்கும் பதில் ஒன்றுதான்...
எழுதுவது ,எழுதுவது ,எழுதுவது...
ஏதோ ஒரு இலக்கிய வடிவில் எழுதுவது
என்பதே ஒரே பதில்
அத்தனை கேள்விகளுக்கும்...
வா.நேரு,26.12.2024
குறுங்கவிதை(39)
தந்தை பெரியார் அவர்களின்
நினைவு நாள் டிசம்பர் 24. தந்தை பெரியார் என்னும் சொல் வெறும் பெயரைக் குறிப்பது அல்ல; அது ஒரு தத்துவம்! ‘‘தந்தை பெரியார் அவர்கள் உடலால்
மறைந்து 50 ஆண்டுகள் ஆகின்றன. ஆனால், அவரது கொள்கைப் பயணம்
தொடர்கிறது’’ என்றார் திராவிடர் கழகத் தலைவர் அய்யா ஆசிரியர் அவர்கள்- சென்ற
ஆண்டு தந்தை பெரியார் நினைவு நாள் பேட்டியில்.
இன்றைக்கு
உலகமே பணக்காரர்களின் கையில் – கார்ப்பரேட்டுகளின் கையில் சிக்கி இருக்கிறது. லாபம் ஒன்றையே
நோக்கமாகக் கொண்டு செயல்படும் அவர்கள் சமத்துவத்திற்கு எதிராகவும்
பெண்ணுரிமைகளுக்கு எதிராகவும் அடிமைத்தனத்திற்கு, வர்ணாசிரமத்திற்கு ஆதரவாகவும்
செயல்படுவதைப் பார்க்கிறோம்.
இந்தியாவைப்
பொறுத்தளவில் கோவில் களுக்கும் மதங்களுக்கும் கொட்டிக் கொடுப்பவர் களாகப் பணக்காரர்கள்
இருக்கிறார்கள். தங்கள் மூளையில் ஏற்றிக் கொண்ட பக்திச் சாயத்திற்கு ஏற்ப
பெரும்பணத்தைப் பக்திக்காகச் செலவழிக்கிறார்கள். அதே நேரத்தில் ஏழைகள், தொழிலாளர்கள் படும்
துன்பத்திற்கும், ஏழ்மை
நிலைக்கும் காரணம் ‘அவர்களின்
விதி, போன
ஜென்மத்துப் பலன்’ என்று கடந்து
போய்விடுகிறார்கள். எனவேதான் தந்தை பெரியார் ‘பணக்காரன் ஒழிய வேண்டும்’ என்று சொல்கின்றார்.
தந்தை
பெரியார் அவர்களின் நினைவு நாளுக்கு முந்தைய நாள் டிசம்பர் 23. இந்தியாவில் டிசம்பர் 23 விவசாயிகள் தினமாகக்
கொண்டாடப்படுகிறது. வெறுமனே விழா கொண்டாடுகிறார்களே தவிர, இந்திய விவசாயிகளின் வேதனையைத்
தீர்ப்பதற்கான முயற்சிகளை இந்திய ஒன்றிய அரசு எடுப்பதில்லை.
தாங்கள்
விளைவிக்கும் பொருட்களுக்கான உரிய விலை நிர்ணயம் செய்யப்பட வேண்டும் என்பது
உள்ளிட்ட பல்வேறு கோரிக்கைகளை வலியுறுத்தி, தொடர்ச்சியாகப் பல்வேறு
போராட்டங்களை இந்திய விவசாயிகள் நடத்திக் கொண்டே இருக்கின்றனர். ஆனால், அவர்களுடைய கோரிக்கைகள், அவர்களுடைய போராட்டங்கள்
அலட்சியப்படுத்தப்படுகின்றன; அடக்கு முறையால் ஒடுக்கப்படுகின்றன. தந்தை பெரியார் அவர்கள்
இந்த நாட்டில் இருக்கும் பார்ப்பனர்கள் விவசாயத்தின் பக்கம் ஏன் வருவதில்லை என்ற
கேள்வியை எழுப்பினார். உழவுத் தொழில் பாவத்தொழில் என்று மநுதர்மம் குறிப்பிடுகிறது
என்பதைக் குறிப்பிட்டார். பாவத்தொழில் என்று விவசாயத்தை ஆக்கிவிட்டு அதில்
பாடுபடும் தோழர்களைப் பஞ்சமர்கள், சூத்திரர்கள் என்றும் வகைப்படுத்தி அவர்களை இழிவுபடுத்தி
அவர்களுக்குப் படிப்பறிவு கொடுக்காமல் அவர்களை வெறும் உழைப்பாளிகளாக மட்டுமே
வைத்துப் பார்த்தது – பார்க்கிறது
மநுதர்மம்.
Chat GPTயின் உருவாக்கத்திலும் பயன்பாட்டிலும் மிகப்பெரும் பிரச்சனையாகக்
கருதப்படுவது தண்ணீர். அதுவே பெரும் தாகம் கொண்டதாக இருப்பதாக ஆய்வுகள் தெரிவிக்கின்றன.
அமெரிக்காவில் அண்மையில் மேற்கொள்ளப்பட்ட ஆய்வில் ஜி.பி.டி.3 வடிவத்துக்கான பயிற்சிக்கு
மட்டும் ஏழு லட்சம் லிட்டர் தண்ணீர் தேவைப்பட்டதாகத் தெரிய வந்துள்ளது… (மு.சங்கையா, திராவிடப்பொழில் ஆராய்ச்சி இதழ், ஜூலை- செப்-2024) என்று கட்டுரையாளர் குறிப்பிடுகிறார்.
செயற்கை நுண்ணறிவுக்குத் தேவைப்படும் தண்ணீர் பற்றி பல அபாய அறிவிப்புக்
கட்டுரைகள் வந்து கொண்டிருக்கின்றன. செயற்கை நுண்ணறிவு ஏழைகளின் வேலைவாய்ப்பைப்
பறிப்பது மட்டுமல்லாது, அவர்களுக்குச்
கொஞ்ச நஞ்சம் கிடைத்துக்கொண்டிருக்கும் தண்ணீரையும் பறித்துவிடும் போல்
தோன்றுகிறது. இந்த நிலையில் தந்தை பெரியார் அவர்கள் சொன்ன ‘பணக்காரன் ஒழிய வேண்டும்’ என்னும் கொள்கை தமிழ்நாட்டுக்கு
மட்டுமல்ல, இந்தியாவிற்கு
மட்டுமல்ல; உலகம்
முழுமைக்கும் தேவைப்படுகிறது.
இன்றைக்கும்
இந்த உலகம் ஏற்றத்தாழ்வுகள் நிறைந்த உலகமாகவே இருக்கிறது. பல்வேறு நாடுகளில் பெண்
அடிமைத்தனம் கோலோச்சுகிறது. மதத்தின் அடிப்படையில் பெண்களுக்குக் கல்வி
மறுக்கப்படுகிறது. அவர்களுக்கு உரிய உரிமை மறுக்கப்படுகிறது.ஆனால், ஒவ்வொரு நாட்டையும், அந்த நாட்டின் பணக்காரர்கள்
அல்லது உலகின் சில பணக்காரர்கள் தங்கள் பணத்தின் மூலம் நிர்வகிக்கிறார்கள்.
மேம்போக்காகப் பார்த்தால், ஒரு நாடு
ஜனநாயக நாடு என்பது போலத் தெரியலாம். ஆனால், அந்த நாட்டினை ஆள்பவர்கள்
பெரும் பணக்காரர்களே.
எளிய
மக்கள், உழைக்கும்
மக்கள் நிறத்தின் அடிப்படையிலும் ஜாதி அடிப்படையிலும் மேலே வருவதற்கான வாய்ப்புகள்
மறுக்கப்பட்டு அடித்தளத்தில் வெறும் உடல் உழைப்புக் கூலிகளாக மட்டும் இருக்க
வேண்டும் என்று நிர்ப்பந்திக்கப்படுகிறார்கள். ஒரு வேளைச் சோற்றுக்காக உழைத்து
உழைத்து ஓடாய்ப் போய் நிற்கும் கோடிக்கணக்கான மக்கள் இந்த உலகத்தில்
இருக்கிறார்கள். செயற்கை நுண்ணறிவு என்பது பல மனிதர்களின் வேலைவாய்ப்பைப் பறித்து
விடும் என்று சொல்கிறார்கள். அதற்கு மாற்றாக வேறு வேலை வாய்ப்புகள் கிடைக்கும்
என்றாலும் வேலை இழப்பவர்கள் சமூகத்தின் அடித்தட்டில் இருப்பவர்களாகவும், வேலை பெறுபவர்கள் சமூகத்தின்
உயர்தட்டில் இருப்பவர்களாகவும் இருக்கப் போகிறார்கள். ஏற்றத்தாழ்வுகள் இன்னும்
பெருகக்கூடும். உலக நாடுகளுக்கு இடையே பகைமையும் போட்டியும் சச்சரவும் சண்டையும்
மேலும் வளரக் கூடும். எனவேதான் இந்த நிலையில் தந்தை பெரியார் தேவைப்படுகிறார்.
தந்தை
பெரியார் ஒரு தத்துவம்.அந்தத் தத்துவம் மனித குல விடுதலைக்கான வழிகளைச் சொல்கிறது.
தொழிலாளி – முதலாளி
பேதமற்று, இருவரும்
பங்காளிகளாக இணைந்து ஒரு புதிய உலகத்தைப் படைக்கச் சொல்கிறது. பெண்களும் ஆண்களும்
ஒன்று என்பது வெறும் பேச்சாக இல்லாமல், நடைமுறை ஆவதற்கான வழிமுறைகளை
அந்தத் தத்துவம் சொல்கிறது. ஜாதிகளாய்ப் பிரிந்து, உயர்வு – தாழ்வு பேசி, உருப்படாமல் போகக்கூடிய நிலையை
மாற்றி அனைத்து மனிதர்களும் சமம் என்னும் நிலையை எட்டுவதற்கான வழிகளைச் சொல்கிறது.
அனைவர்க்கும் அனைத்தும் என்னும் நிலை அமைந்துவிட்டால் இனி வரும் உலகம் இன்பமாக
இருக்கும் என்னும் தொலைநோக்குப் பார்வையைச் சொல்கிறது.
‘உலகம்
பெரியார் மயம்’ ஆகவேண்டும்
என்பது வெறும் ஆசையல்ல. இந்த உலகமே அமைதியாக இருக்கவேண்டும், அன்பாக இருக்கவேண்டும், பெண்களுக்கு அனைத்து உரிமைகளும்
கிடைக்கவேண்டும், சோறில்லாமல்
உலகில் மனிதர்கள் சாகக்கூடாது, அனைவரும் ஒருதாய் மக்களாக வாழவேண்டும் என்பனவற்றுக்கான விருப்பமே
‘உலகம்
பெரியார் மயம்’ என்னும்
விருப்பம்.தந்தை பெரியாரை எதிரியாகப் பார்த்தவர்களில் எத்தனையோ பேர், அவரது உரையைக் கேட்டு முழுமையாக
மாறி, தங்கள்
வாழ்நாள் முழுவதும் தந்தை பெரியாரின் தத்துவத்தைப் பரப்பியிருக்கிறார்கள். ‘பெரியார் உலக மயம், உலகம் பெரியார் மயம்’ என்னும் உன்னத நோக்கத்தை நோக்கி
உலகம் நகர, நாமெல்லாம்
உறுதி எடுத்துக்கொள்ளும் நாளாகத் தந்தை பெரியாரின் நினைவு நாள் அமையட்டும்..
நன்றி : உண்மை இதழ் டிசம்பர் 16-31,2024
அவர் கேட்ட
கேள்விகளுக்கு
இன்றும் பதிலில்லை...
அவர் மீது வீசப்படும்
அவதூறுகளுக்கு
கொஞ்சமும் குறைவில்லை...
செத்துப்போய்..
இல்லை..இல்லை..
உடல் சத்துப்போவதே
செத்துப்போவது
என்ற பெரியாரின்
51வது நினைவு நாள்...
நவீனக் கவிதைகளா?..
பறை இசையா?...
கானாப்பாடல்களா?..
அனைத்திலும் பெரும்
உற்சாகத்தோடு
பெரியாரைக் கொண்டாடும்
பேரன் பேத்திகளால்
பெரும் சிரிப்புச்
சிரிக்கிறார் பெரியார்...
பழங்கதைகள் பேசும்
அவதூறுகள் வீசும்
வெங்காயங்களைக்
கண்டு...
வா.நேரு, 24.12.2024
குறுங்கவிதை(37)
‘செனையாக்குதல்’ என்னும்
சொல்லை
வைத்து
கடவுள்
அவதாரங்களின்
பிறப்புக் கதைகளோடு
…
சிலம்பம்
ஆடுகின்றார்
பெரியார்…
‘அசுவமேதயாகம் ‘ செய்த
தசரதனும்
அதற்கு உடன்பட்ட
அவனது
பத்தினிகளும்..
‘குறி’ கொடுத்த செத்த குதிரைகளும்
காணிக்கை
வாங்கிய பார்ப்பனர்களும்…
‘செனையாக்குதல்’ என்னும்
சொல்லுக்குள்
சிக்கிச்
சிதறுண்டு கதறுகிறார்கள்…
வால்மீகி இராமயணத்தைப்
படித்த நம்மவர்கள் நமட்டுச்
சிரிப்போடு கடக்கின்றார்கள்…
வா.நேரு ,23.12.2024
குறுங்கவிதை(36)
நன்றி: தந்தை பெரியாரின் 'சிந்தனையும் பகுத்தறிவும்' நூல்
வெள்ளையும் சொள்ளையுமாய்த்தான்
வந்திருக்கிறார்கள்…
படித்தவர்கள்போல்தான்
இருக்கிறார்கள
நாமக்கல் கோயிலில்
உட்கார்ந்து
மந்திரம் சொன்னால்
பணம் கொட்டோ
கொட்டென்று கொட்டுமென
ஜோதிடன் ஒருவன் யூடியூப்பில்
சொன்னானாம்..
கூட்டமோ
கூட்டம்..அதிகாலை
6.30க்கே அப்படி ஒரு கூட்டமாம்..
எப்படிக் கொட்டும் பணம்?
பேராசையே பக்தி…
வா.நேரு,21.12.2024
குறுங்கவிதை(35)
சம நீதிக்காய்
கொழுந்து விட்டெரியும்
கொள்கைத் தீயின் பெயர்
அண்ணல் அம்பேத்கர்...
அன்று அவர் எரித்தது
ஒரு குலத்திற்கு
ஒரு நீதி சொல்லும்
'மனு நீதி'யை...
இனி அவர் பெயர்
எரிக்கப்போவது
ஜாதியை..அதன் மீதியை...
உரக்கச் சொல்வோம்
ஓராயிரம் முறை...
அம்பேத்கர் ! அம்பேத்கர்!
அம்பேத்கர் ! அம்பேத்கர்1...
வா.நேரு ,20.12.2024
குறுங்கவிதை(34)
கோழிக்குஞ்சை உயிருடன்
அப்படியே விழுங்கு
உனக்குக் குழந்தை
பிறக்கும் என்றானாம் ஜோதிடன்..
விழுங்கிய மனிதன்
மரணம்! சத்தீஸ்கரில்...
ஜோதிடன் எதைச்சொன்னாலும்
அப்படியே செய்யும்
பைத்தியக்காரர்களா?
நம் மக்கள்?...
வா.நேரு, 19.12.2024
குறுங்கவிதை(33)
படிக்கும் நாட்களில் அவர்
பாடியதாக
நினைவு இல்லை..
தினம்
ஒரு பாடல் பாடி
இணையத்தில்
அனுப்புகிறார்..
தனியாகவும்
இணைந்தும்
பாடுகின்றார் ;பதிகின்றார்;
அனுப்புகின்றார்; கேட்கின்றார்…
பணி ஓய்வுக்குப்
பின்
தனக்குப் பிடித்ததில்
நேரத்தைப் பயனாக்குகிறார்...அதனால்
எமதர்மன்
கோவிலுக்குச்
சென்று
வந்தேன் என்றாள்..
எதற்கு
என்றேன் நானும்..
வயதான
என் தந்தையை
சீக்கிரம்
வந்து கூட்டிச்செல்
என்று
முறையிட்டு வந்தேன்..என்றாள்
காப்பாற்றத்தான்
கடவுள் என்பீர்கள்..
கூலிப்படை
வேலைக்கும்
அவர்தானா? எனும் கேள்விக்கு
சிரிக்கிறாள்
அவள்…
வா.நேரு,16.12.2024
குறுங்கவிதை(30)
தோண்டிக்
கொண்டே
இருக்கவேண்டும்…
ஒட்டுமொத்த
மண்ணோடு
சில துண்டுத் தங்கம் கிடைக்கும்
என்றார்
சுரங்கத் தொழிலாளி..
ஆயிரம்
வரிகளை
கவிதையென
எழுது..
சலித்துப்பார்ப்பவர்கள்
இதில்
நான்கு
வரி மட்டுமே கவிதை
எனச் சொல்லட்டும்..
வா.நேரு,14.12.2024
குறுங்கவிதை(29)
இருக்கும்போது
தந்தைக்கு
சோறு போட
மறுத்த
மகன்…
விரதம்
இருந்து
வாடகைக்குக்
காக்காய்
பிடித்து
வந்து
சோற்றை
ஊட்டுகிறான்…
சொர்க்கம்
கிடைக்குமாம் !…
வா.நேரு,13.12.2024
குறுங்கவிதை(28)
ஜாதிகளைத் தூக்கிக்
கடலில் எறியுங்கள்
என்றவர் அய்யா வைகுண்டர்..
வருணத்தைக் கடவுளே படைத்தார்..
அவரவர் ஜாதிப்படி அவரவர்
தொழில் என்பது சநாதனம்..
இரண்டும் ஒன்றே என்று
சொல்கிறார் ஒருவர்...
உயரத்தில் இருந்தால் உளறலாமோ?
வா.நேரு,12-12-2024
குறுங்கவிதை(27)
நம் நாட்டில்
நாத்திகம் எனில்
சுயமரியாதை...
அப்ப
ஆத்திகம் எனில் ?
அவமரியாதை...
பிறப்பின் அடிப்படையில்
அவமரியாதை...
வா.நேரு,11-12-2024
குறுங்கவிதை(26)
ஊரையே கூட்டி
இருக்க முடியும்..
ஆனாலும் பெரியாரியல்
புரிதல் இதுதானே!.
சிலரை வைத்துத்
திருமணம்
சிக்கனமான வாழ்க்கையின்
ஆரம்பம்..
வாழ்க ! மணமக்கள்..
வா.நேரு,10-12-2024
குறுங்கவிதை(25)
அவைகள் இல்லையெனில்
எலிகள் பெருத்துவிடும்..
பயிரெல்லாம் நாசமாகும்…
அடிக்காதே பாம்பை
என்பார்
செவக்காட்டில்
அம்மா...
அப்படித்தான் நாட்டிலும்
சிலரைக் கடந்து
செல்ல வேண்டியிருக்கிறது…
வா. நேரு,
09.12.2024
குறுங்கவிதை(24)
வித விதமாய்
மன நோயாளிகள்...
எளிதில் கண்டுபிடிக்க
இயலுவதில்லை....
தெரியும்போது
விலகுவதும் அவ்வளவு
எளிதாக இருப்பதில்லை...
வா.நேரு,08.12.2024
குறுங்கவிதை(23)
