பெரியார் மணியம்மை பல்கலைக்கழகத்தில் தமிழ் இணையப் பயிலரங்கம்

எழுத்துரு அளவு  

பெரியார் மணியம்மை பல்கலைக்கழக துணைவேந்தர் பேரா.நல்.இராமச்சந்திரன் பயிற்சியைத் தொடங்கி வைத்து  உரையாற்றுகிறார்.

பெரியார் மணியம்மை ஆட்சி மன்ற குழு உறுப்பினர் வீ.அன்பராஜ் பயிற்சி பெற்றவர்களுக்கு சான்றிதழ் வழங்கினார்.

பெரியார் மணியம்மை பல்கலைக்கழக வளாகத்தில் அமைந்துள்ள அயன்ஸ்டீன் அரங்கத்தில் திரை வழியே பங்கேற்றவர்களுக்கு பயிற்சி கொடுக்கப்பட்டது.

வல்லம், மே 21- பெரியார் மணியம்மை பல்கலைக்கழக ஊரக வளர்ச்சி உயராய்வு மய்யம், திராவிடர் கழக இளைஞர் அணி மற்றும் பகுத்தறி வாளர் கழகமும் இணைந்து நடத்திய தமிழ் இணை யப் பயிலரங்கத் தொடக்க விழா நேற்று பல்கலைக் கழக வள்ளுவர் அரங்கில் கோலாகலமாய் நடை பெற்றது.

தொடக்க விழா

இந்நிகழ்ச்சிக்கு பகுத்தறிவாளர் கழக மாநிலச் செயலாளர் ச.பிரின்சு என்னாரெசு பெரியார் வரவேற்புரை வழங்கினார்.  பெரியார் மணியம்மை பல்கலைக்கழக துணை முதன்மையர் பேராசிரியர் க.திருச்செல்வி தலைமை தாங்கினார். பகுத்தறிவாளர் கழக மாநில தலைவர் வா.நேரு அறிமுக உரையாற்றினார். இப்பயிலரங்கிற்கு பெரியார் மணியம்மை பல்கலைக்கழக துணைவேந்தர் பேரா. நல்.இராமச் சந்திரன் அவர்களின் தொடக்க உரையில் கிராமப் புற மாணவர்களும், இளைஞர் களும் இத்தகைய தமிழ் இணையப் பயிலரங்கம் மூலம் தங்களையும் தங்களது சமூகத்தையும் முன்னேற்றப் பாதையில் கொண்டு செல்ல முடியும் என்று கூறியதோடு பிரமிக்கச் செய்யும் சாதனைகளை கிராமப் புறங்களில் இருந்து வரும் இளைஞர்களால்தான் சாதிக்க முடியும். அதற்கு  கிடைத்த வாய்ப்புகளை நன்முறையில் பயன்படுத்தினால் அசாதாரண வெற்றிகளையும் நன்மைகளையும் குவிக்க இயலும் என்று தனது தொடக்க உரையில் தெரிவித்தார். பெரியார் புரா திட்டத்தின் வழியாக கிராமப் புற 1ஆம் வகுப்பு முதல் 5ஆம் வகுப்பு  மாணவர்களுக்கு கணிதம் மற்றும் ஆங்கில பாடங்கள் கணினி முறையில் பல்கலைக்கழகத்தின் மூலம் கற்றுத்தர திட்டமிட்டுள்ளதாக தெரிவித்தார். இந்நிகழ்ச்சிக்கு திராவிடர் கழக, துணைப் பொதுச் செயலாளர் ஒரத்தநாடு இரா.குணசேகரன் வாழ்த்துரை வழங்கினார். இறுதியாக பெரியார் மணியம்மை பல்கலைக்கழக இணைப் பேராசிரியர் கா.செந்தில்குமார் நன்றியுரை வழங்கினார்.

நிறைவு விழா

200 க்கும் மேற்பட்ட கிராம புற இளைஞர்கள் இப்பயிற்சி வகுப்பில் கலந்து கொண்டனர். இப் பயிலரங்கத்தில் தமிழ் இணையம் வளர்ச்சி வரலாறு வலைப்பூ உருவாக்கமும் பயன்பாடுகளும் மற்றும் தமிழ் விக்கிப்பீடியா பற்றிய அறிமுகம் ஆகிய பல்வேறு தலைப்புகளின் கீழ் பயிற்சிகள் வழங் கப்பட்டன. திராவிடர் கழக மாநில இளைஞர் அணி செயலாளர் தஞ்சை இரா.ஜெயக்குமார், திராவிடர் கழக மாநில மாணவரணி செயலாளர் திராவிட எழில் இப்பயிற்சி பயிலரங்கத்தை ஒருங்கிணைத் தனர்.  இந்நிகழ்ச்சியின் நிறைவு விழாவானது மாலை பல்கலைக்கழக வளாகத்தில் அமைந்துள்ள அய்ன்ஸ்டீன் அரங்கத்தில் நடைபெற்றது. இதில் பகுத்தறிவா ளர் கழக மாநில துணைத் தலைவர் தகடூர் தமிழ்ச் செல்வி வரவேற்புரை வழங்க பெரியார் மணியம்மை பல்கலைக்கழக பதிவாளர் முனைவர் மு.அய்யாவு தலைமையுரை ஆற்றினார். பெரியார் மணியம்மை பல்கலைக்கழக ஆட்சி மன்றக் குழு உறுப்பினர் வீ.அன்புராஜ்  சிறப்புரை யாற்றி, இப்பயிற்சியில் பங்கேற்ற வர்களுக்கு சான்றிதழ்கள் வழங்கினார். மேலும் இப்பயிற்சியில் பங்கேற்றவர்களில் சிலர் இப்பயிற்சியானது தங்கள் அறிவுகண்களை திறந்ததாகவும், பயனுள்ளதாக அமைந்தாகவும் தங்களது கருத்துக்களை பதிவு செய்தனர். இப்பயிற்சிக்கு ஏற்பாடு செய்த அனைவருக்கும் பெரியார் மணியம்மை பல்கலைக்கழக ஊரக வளர்ச்சி உயராய்வு மய்ய கூடுதல் இயக்குநர் ந.சிவசாமி நன்றி கூறினார். இந்நிகழ்ச்சிகள் பல்கலைக் கழக துணைவேந்தர் சீரிய வழிகாட்டுதலின்படி மிகச் சிறப்பாக நடைபெற்றது.  இந்நிகழ்ச்சியில் பல்கலைக்கழக பதிவாளர் முனைவர்.மு.அய்யாவு, ஊரக வளர்ச்சி உயராய்வு மய்யத்தின் கூடுதல் இயக்குநர் பேரா. முனை வர்.ந.சிவசாமி, பவர் தொண்டு நிறுவன செயலாளர் முனைவர்.உ.பர்வீன், பெரியார் சிந்தனை மய்ய துணை இயக்குநர் முனைவர்.க.அன்பழகன், மாநில ப.க.துணைத் தலைவர் தகடூர் தமிழ்ச்செல்வி, மாவட்ட திராவிடர் கழக தலைவர் வழக்கறிஞர் சி.அமர்சிங், மாவட்ட செயலர் மானமிகு த.ஜெக நாதன், மாநில மாணவரணி செயலர் மானமிகு திராவிட எழில் மற்றும் பல்கலைக்கழக பேராசிரியப் பெருமக்களும் கலந்து கொண்டு சிறப்பித்தனர்.

ஆந்திராவில் தமிழர் தலைவர் ஒலித்த சமூக நீதிக் குரல்

தனியார் துறைகள் பெருகி வரும் பொருளாதாரச் சூழலில்
தனியார்த் துறைகளிலும் இடஒதுக்கீடு என்பதே நமது அடுத்த கட்ட முக்கிய நடவடிக்கை!

ஆந்திர மாநிலம் ரேபல்லியில் நடைபெற்ற சமூகநீதி பொதுக் கூட்டத்தில் தமிழர் தலைவர் கி.வீரமணி எழுச்சியுரையாற்றுகின்றார். ஆந்திர சமூக நீதி பேரவையின் மதிப்புறு தலைவர் கேசன சங்கர் ராவ் உடன் உள்ளார். பேரவையின் தலைவர் கேசன ராம கோட்டிஸ்வரராவ் தமிழர் தலைவரின் ஆங்கிலப் பேச்சினை தெலுங்கில் மொழி பெயர்க்கின்றார். (10.5.2012)

தெனாலி மே, 11- புதிய பொருளா தாரச் சூழலில், தனியார்த் துறைகள் பெருகி வரும் இக்காலக் கட்டத்தில் சமூக நீதிக் கண்ணோட்டத்தில் நமது அடுத்த நடவடிக்கை - தனியார்த் துறைகளிலும் இடஒதுக்கீடு தேவை என்பதை வலியுறுத்தி அதனைப் பெறுவதுதான் என்றார் திராவிடர் கழகத் தலைவர் கி.வீரமணி.

ஆந்திர மாநிலம், குண்டூர் மாவட்டம் தெனாலி அருகில் ரேபல்லி பேரூரில் மாபெரும் சமூக நீதிப் பொதுக் கூட்டம்  ஆந்திர மாநில சமூகநீதிப் பேரவை சார்பாக ஏற்பாடு செய்யப்பட்டிருந்தது. மே 10 ஆம் நாள் ரேபல்லி அரசு இளநிலை கல்லூரி மைதானத்தில் மாலை 6 மணிக்கு தொடங்கிய பொதுக் கூட்டத்தில் திரா விடர் கழகத் தலைவர், தமிழர் தலைவர் கி.வீரமணி சிறப்பு விருந்தினராகக் கலந்துகொண்டு பேருரை ஆற்றினார். ஆந்திர மாநிலத்தின் சமூகநீதித் தலைவர்கள் மற்றும் போராளிகள் பலர் கலந்து கொண்டு உரையாற்றிச் சிறப் பித்தனர்.

தமிழர் தலைவரை வரவேற்றனர்

ரேபல்லி சமூக நீதிக் கூட்டத்தில் கலந்து கொள்ள சென்னையில் இருந்து இரயிலில் சென்ற தமிழர் தலைவரை தெனாலி இரயில் நிலையத்தில் மே 10ஆம் நாள் காலை 6 மணி அளவில் சமூக நீதிப் பேரவையின் தலைவர்கள் அன்புடன் வரவேற்றனர். தமிழர் தலைவருடன் பகுத்தறிவாளர் கழகத் தலைவர் வா. நேரு, பொதுச் செயலாளர் வீ. குமரேசன், மேனாள் நீதிபதி ஆர். பரஞ்சோதி  ஆகியோர் சென்றனர்.

முற்பகல் செய்தியாளர் சந்திப்பு

தெனாலி நகரத்திலேயே விடுதியில் தமிழர் தலைவர் தங்குவதற்கு ஏற்பாடு செய்திருந்தனர். ஆந்திர சமூக நீதிப் பேரவையின் சார்பாக முற்பகல் 11.30 மணியளவில் செய்தியாளர் சந்திப்புக்கு ஏற்பாடு செய்யப்பட்டு இருந்தது. சமூகநீதிப் பேரவையின் மதிப்புறு தலைவர் கேசன சங்கர்ராவ் அவர்களின் தெனாலி இல்ல வளாகத்திலேயே செய்தியாளர்களை தமிழர் தலைவர் சந்தித்தார்.

சமூகநீதிப் பொதுக் கூட்டத்தில் உரையாற்றிய சமூக நீதிப் பேரவையின் தலைவர் வழக்குரைஞர் கேசன ராம கோட்டீஸ்வராவ், பகுத்தறிவாளர் கழக பொதுச் செயலாளர் வீ.குமரேசன், பேராசிரியர் கவுடு சத்தியநாராயணா, வழக்குரைஞர் கேசன ராமசாமி, கொக்கிலிகட்டா வெங்கட நரசிம்மராவ், சுனில் கவுடு.

செய்தியாளர்களிடம் தெனாலியில் உள்ள தெலுங்கு, செய்திப் பத்திரிகை மற்றும் தெனாலியில் உள்ள தெலுங்கு, செய்திப் பத்திரிகை மற்றும் தொலைக்காட்சி ஊடக செய்தியாளர்களிடம் தமிழர் தலைவர் சுருக்கமாகக் கூறியதாவது:

சமூக நீதிப் பயணம் பல காட்டாறுகளைக் கடந்து வந்துள்ளது. பிரிட்டிஷ் இந்தியாவில் தமிழக, ஆந்திரப் பகுதியினைச் சார்ந்த மக்கள் தலைவர்கள் சமூகநீதி வெளிச்சத்தைத் தூக்கிப் பிடித்த காரணத்தால்தான் சமுதாயத்தில் கடவுள், மதத்தின் பெயரால் ஒடுக்கப்பட்ட மக்கள் விழிப்புணர்வு பெற்று உயர்நிலைக்கு, மற்றவர் களுக்கு இணையாக வர முடிந்தது. அடுத்து சமூகநீதித் த்துவத்தை தந்தை பெரியார் மாபெரும் இயக்கமாக வளர்த்தெடுத்தார். சமூக நீதிப் பயணம் ஒழுங்காக நடைபெற தளம் அமைத்துக் கொடுத்தார்.

அடுத்த கட்டத்தில் எங்களைப் போன்றவர்கள் இதர சமூகநீதித் தலைவர்களுடன் இணைந்து போராடிய காரணத்தால் மண்டல் குழு பரிந்துரைகள் படிப்படியாக நடைமுறைக்கு வரும் சூழல்கள் உருவாயின.

இப்பொழுது மாறிவரும் பொருளாதாரச் சூழலில் அடுத்த கட்டத்தை சமூக நீதிப் பயணம் எட்டியுள்ளது. இதுவரை கல்வி, வேலை வாய்ப்புகளில் அரசு மற்றும் அரசு சார்ந்த நிலையங்கள் மற்றும் நிறுவனங்களில் மட்டுமே இருந்து வந்துள்ளது இட ஒதுக்கீடு முறை, தனியார் மயமாகும் சூழலில், தனியார் துறையிலும் இட ஒதுக்கீடு தேவை.

அதனை நடை முறைப்படுத்துவதற்கு திராவிடர் கழகமும் இதர சமூக நீதி அமைப்புகளும் குரல் கொடுத்து அதற்காகக் களம் இறங்கும் சூழல்கள் உருவாகி உள்ளன. இந்த சவால் நிறைந்த சமூக நீதிப் பயணத்தை ஒடுக்கப் பட்ட, அடக்கப் பட்ட மக்களுடன், சமூகத்தின் அடித்தளத் தில் உள்ள மக்களின் ஆதரவினையும் சேர்த்து போராட அணியமாக உள்ளோம். இட ஒதுக்கீடு என்பது வெறும் வேலை வாய்ப்புக்கான, வாழ்விற்கான வருவாய் ஈட்டும் வழி என்பதை விட, நாட்டு நிர்வாகத்தில், அதிகாரத்தில் அனைத்துத் தள மக்களும் பங்கேற்கும் அதிகாரப் படுத்துதல்   என்ற நோக்கத்தில்தான் என்பதை சரியாகப் புரிந்து கொள்ள வேண்டும். அவ்வாறு அனைத்துப்  பிரிவு மக்களும் பங்கேற்கும் ஆட்சி அதிகார முறையே உண்மையான மக்களாட்சியாகும்.

மேற்குறிப்பிட்ட தனது உரைக்குப் பின் செய்தியாளர்கள் கேட்ட கேள்விகளுக்கு தமிழர் தலைவர் பதிலளித்தார். செய்தியாளர் சந்திப்பில் தமிழர் தலை வருடன் ஆந்திர சமூக நீதிப் பேரவையின் மதிப்புறு தலைவர் கேசன சங்கர் ராவ், பகுத்தறிவாளர் கழகத் தலைவர் வா.நேரு, பொதுச் செயலாளர் வீ.குமரேசன் மற்றும் மேனாள் நீதிபதி ஆர்.பரஞ்சோதி ஆகியோர் இருந்தனர்.
மாலையில் தெனாலியில் இருந்து 43 கி.மீ. தொலைவிலுள்ள ரேபல்லியில் நடைபெற்ற சமூக நீதிப் பொதுக் கூட்டத்தில் தமிழர் தலைவர் சிறப்பு விருந் தினராகப் பங்கேற்று எழுச்சி மிகு பேருரை ஆற்றினார்.

தோழர் சரயா குழுவினரின் பாடல் நிகழ்ச்சி

கூட்டத்தின் தொடக்கத்தில் பகுத்தறிவாளர் தோழர் சரையா தலைமையில் மக்கள் சேவை சங்கத்தின் தோழர்கள் உணர்ச்சி மிக்க சமூக நீதிப் பாடல்களை நாட்டு இசைக் கருவிகளை இசைத்துக் கொண்டே பாடினர். தந்தைபெரியார், தமிழர் தலைவர் கி.வீரமணி ஆகியோரைப் பற்றிய தெலுங்குப் பாடல்களைப் பாடிய போது திரண்டிருந்த மக்கள் கூட்டத்தினர் கரவொலி எழுப்பி மகிழ்ச்சி தெரிவித்தனர்.

சமூக நீதிக் கூட்டத்தில் அறிமுக உரையினை சமூக நீதிப் பேரவையின் தலைவர் கேசன ராமகோடீஸ்வர ராவ் ஆற்றினார். அதனையடுத்து ஆந்திர சமூக நீதிப் பேரவையின் மதிப்புறு தலைவர் சங்கர்ராவ் தலைமையுரை ஆற்றினார்.

ஆந்திர சமூக நீதிப் பேரவை மதிப்புறு தலைவர் கேசன சங்கர் ராவ் தலைமையுரை

தலைவர் வீரமணிகாரு, இந்த சமூக நீதிப் பொதுக் கூட்டத்தின் கலந்து கொண்டு உரையாற்றுவது எங்களுக் கெல்லாம் எழுச்சியையும், ஊக்கத்தையும் தருகிறது. தந்தை பெரியார் ஈ.வெ.ரா. அவர்களின் கொள்கை வாரிசாக உள்ள வீரமணிகாரு மிகுந்த தொலைநோக் குடன் எங்களைப் போன்ற சமூக நீதி அமைப்புகளை ஊக்கப்படுத்தி நாட்டின் அனைத்துப் பகுதிகளிலும் உள்ள ஒடுக்கப்பட்ட மக்களின் உயர்வுக்கு பாடுபட்டு வருகிறார். இந்த தலைமுறையின் நலனுக்குப் பாடுபடுபவர்கள் அரசியல்வாதிகள்; எதிர்காலத் தலைமுறைக்கும் சேர்த்துப் பாடுபடுபவர்கள் அரசியல் அறிஞர்கள். அத்தகைய அறிஞராகத் திகழ்கின்ற வீரமணிகாரு முன்னெடுக்கும் சமூக நீதிப் பயணச் செயல் பாடுகளில் நாங்கள் - எங்களை, எங்கள் பகுதி மக்களை இணைத்துக்கொண்டு முழுமையாகப் போராடுவோம்.

இதுவரை சமூக நீதிப் பலன் கிடைக்காத அடித்தள மக்களுக்கும், இப்போது பலன் பெற்று வரும் மக்களின் அடுத்த கட்ட உயர்விற்கும் சேர்த்து எங்களது சமூக நீதிப் பேரவை பாடுபடும். அதற்கான செயல்பாடுகளில் எங்களை சமூகநீதித் தலைவர் வீரமணிகாரு வழி நடத்திட வேண்டும்.- இவ்வாறு கேசன சங்கர்ராவ் தனது உரையில் குறிப்பிட்டுப் பேசினார். பகுத்தறிவாளர் கழக பொதுச் செயலாளர் வீ.குமரேசன்

அடுத்து பகுத்தறிவாளர் கழகப்பொதுச் செயலாளர் வீ. குமரேசன் சுருக்கமாக உரையாற்றினார்.

இந்திய அரசமைப்புச் சட்டம் முதன் முறையாகத் திருத்தப்பட்டது சமூக நீதித் தத்துவத்தின் நடைமுறை அணுகுமுறையான இட ஒதுக்கீட்டுக்காகத்தான் என்பது வரலாறு. அந்த முதல் சட்டத்திருத்தத்திற்கு தந்தை பெரியார் தலைமையேற்று நடத்திய போராட்டங்கள்தான் காரணமாக அமைந்தன- 1951 ஆம் ஆண்டில்.

தந்தை பெரியாரது கொள்கை வழித் தோன்றலாக பொது வாழ்க்கையில் உள்ள தமிழர் தலைவர் கி.வீரமணி இந்திய அரசமைப்புச் சட்டத்தின் 76 ஆவது திருத்தத்திற்குக் காரணமாக அமைந்தார்.  ஆம். தமிழ்நாட்டின் இட ஒதுக்கீட்டின் அளவு 69 விழுக்காட்டினைப் பாதுகாக்க வேண்டிய தனி சட்டமே விதி 31 (சி)யின் கீழ் கொண்டு வரும் ஆலோசனையினை வழங்கி அரசமைப்புச் சட்டத்தில் ஒன்பதாவது அட்டவணையில் அதனைச் சேர்த்து, அந்தச் சட்டத்திற்கு நீதிமன்ற ஆய்வில் இருந்து பாதுகாப்பு வழங்கும் வழி முறைகளை நடைமுறைகளாக்கிவர் வரலாற்று சாதனையாளர் தமிழர் தலைவர் கி.வீரமணி ஆவார்.  தந்தை வழியில் தனயன் என சமூக நீதித் தத்துவப் போராட்டத்திலும் தந்தை பெரியாரின் கொள்கை வழித் தோன்றலாகவே தமிழர் தலைவர் விளங்குகிறார். மற்ற மாநில சமூக நீதிப் போராட்டங்களுக்கு ஊக்கம் கொடுத்து, முன் மாதிரியாகவும் தமிழர் தலைவர் விளங்குகிறார்.

சமூக நீதிப் பொதுக் கூட்டத்தில் தலைவர்கள் பலர் உரையாற்றிய பின்பு தமிழர் தலைவர் நிறைவுப் பேருரை ஆற்றினார். அவரது ஆங்கிலப் பேச்சினை பிரபல வழக்குரைஞர் கேசன ராம கோட்டீஸ்வர ராவ் தெலுங்கில் மொழி பெயர்த்தார். மொத்தம் 50 நிமிடங்கள் பேசிய தமிழர் தலைவரின் கருத்தாழ மிக்க உரையினை ஆர்வமுடனும் அமைதியாகவும் பொதுமக்களும் பங்கேற்ற தலைவர்களும் செவிமடுத்தனர்.

தமிழர் தலைவரின் சமூக நீதித் தத்துவ எழுச்சிப் பேருரை

தெலுங்கு மொழியில் உங்களுடன் பேச இயலாத தற்கு பொறுத்தருள வேண் டுகிறேன். நான் தமிழ் மொழியில் பேசினாலும், ஆங்கிலத்தில் பேசினாலும் அது ஒரு பொருட்டல்ல. காரணம், நம் அனைவருக் கும் பொதுவான மொழி, புரிந்த மொழி, போராட் டங்கள் நடத்தப்பட வேண் டிய மொழி சமூகநீதி மொழியாகும்.

ஆந்திர மாநிலம் அன்றைய சென்னை மா காணத்துடன் இணைந்து இருந்த சூழலில் அன்றைய ஆந்திரத் தலைவர்கள் பனகல் ராஜா, பொப்பிலி ராஜா ஆகியோர் நீதிக் கட்சி ஆட்சியில் சமூக நீதிக்காகப் பாடுபட்டார்கள். அடுத்து லச்சண்ண கவுடு ராமசாமி சவுத்திரி, நீதியரசர் பி.எஸ். ஏ.சாமி ஆகியோர் சமூக நீதிப் போராட்டத்தைத் தொடர்ந்து நடத்தினர்.

ஜோதிபாபூலே, சாவித்ரி பாய் பூலே, சாகுமகராஜ், நாராயண குரு, தந்தை பெரியார், பாபாசாகிப் அம்பேத்கர் ஆகியோர் தூக்கிப் பிடித்த சமூக நீதிக் கொள்கை யினை இன்று தொடர்ந்து, கூடுதல் வலிமையுடன் எடுத்துச் செல்ல வேண்டிய காலக் கட்டத்தில் இருக்கி றோம். இந்திய அரசமைப்புச் சட்டத்தில் தெளிவாகக் குறிப்பிடப்பட்டுள்ள சமூக நீதி வழிமுறைகளை நடை முறைப்படுத்தாததால் அரசியல் விடுதலை பெற்று 65 ஆண்டுகள் நிறை வடைந்த வேளையிலும், சமூக நீதிக்காகப் போராட வேண்டியுள்ளது.

இந்திய அரசமைப்புச் சட்டம் கூறிய வழிமுறைகளை ஒழுங்காகக் கடைப்பிடித்திருந்தால், சமூக நீதி விளக்கம், சமூக நீதிப் போராட்டத்தின் தேவையே தோன்றியிருக்காது. இந்திய அரசப்புச் சட்டத்தினை நடைமுறைப்படுத்தவே சமூக நீதி இயக்கம் பாடுபடவேண்டியுள்ளது; பாடுபட்டும் வருகிறது. நமக்கு பத்திரிகை ஊடகங்கள் ஆதரவாக இல்லை. அதைவிட ஆயிரக்கணக்கில் கூடியிருக்கும் உங்களின் ஆதரவே சமூக நீதிப் பயணத்தை முன்னெடுத்துச் செல்லும் வலிமை வாய்ந்தது.

சமூக நீதி விளக்கம் - ரயில் பயணம்

சமூக நீதித் தத்துவம் என்பது புரியாத புதிரல்ல. புரிந்து கொண்டு நடைமுறைப்படுத்துவதும் கடினமான தும் அல்ல. எடுத்துக் காட்டாக, தெனாலியிலிருந்து வெமூரு, கொல்லூரு வழியாக ரேபல்லிக்கு தினசரி ரயில் சென்று வந்து கொண்டிருக்கிறது. தெனாலியில் கிளம்பும் ரயிலில் இடம் பெரும்பாலும் காலியாக உள்ள நிலைமை ரேபல்லிக்கு வரும்போது ரயில் முழுவதும் பயணிகள் நிறைந்ததாக மாறிவிடுகிறது.

இது எதார்த்தமான நிலைமை. தெனாலியில் இருந்து வெகு சிலரே பயணப் படும் சூழலில், பயணம் செய்பவர்கள் உட்கார்ந்து கொண்டு, வசதியாகப் படுத்துக் கொண்டும் பயணம் செய்யலாம். காரணம், பெரும்பாலான இடங்கள் காலியாக இருக்கும். தெனாலியில் இருந்து கிளம்பி வெமூருக்கு வந்தவுடன், பயணிகள் ஏறுவார்கள். அடுத்த கொல்லூரு விலும் பயணிகள் ஏறுவார்கள்.

ஏறிய பயணிகள் அமர்வதற்கு இடம் வேண்டி, அது வரை படுத்துக் கொண்டு வந்த பயணிகளை எழுப்பி அவர்களை உட்காரச் சொல்வது இயல்பு. ஆனால், இதுவரை வசதியாகப் படுத்துக் கொண்டு வந்தவர்கள் தங்களை எழுந்து உட்காரச் சொல்வது தவறு என்று சொன்னால் அது எப்படி நியாயமாகும்? உட்காருவதற்கு ஆள் இல்லாத சூழலில் படுத்துக்கொண்டு பயணிக்கலாம். உட்கார ஆள் வந்ததும், எழுந்து உட்கார்ந்து அடுத்தவருக்கு இடம் அளிப்பதுதான் முறை; சரி; நியாயமும் கூட. முறையாகப் பயணம் செய்பவரைக் காத்திருக்க வைத்து, படுத்துக் கொண்டு ஒருவர் பயணம் செய்வது சரியா? இல்லை என்று நாம் சொல்லுகிறோம். ஆதிக்கவாதிகள் சரி என்று சொல்லுகிறார்கள். இப்படிநிலை ஒத்த சமூகச் சூழல்கள் நிறைந்திருக்கிறது இந்த நாட்டில்.

இதுவரை ஒடுக்கப் பட்ட மக்கள், அடக்கப்பட்ட மக்கள் படித்திட வாய்ப்பில்லை. வேலைவாய்ப்பு அளிக்கப்படவில்லை. அதனால் ஆதிக்க வாதிகள் ஏகபோகமாக அனுபவித்து வந்தனர். இப்பொழுது அடித்தள மக்கள் எழுச்சி கொண்டு கல்வி கற்று அதிகார வேலை பார்க்கும் நிலைக்கு வரும்போது, அவர்களுக்கு உரிய பங்கினை அளிப்பதுதான் ஆதிக்க வாதிகளுக்கு முறையாகும். ஆனால் உரிய பங்கினை அளிக்க மறுத்து வருகின்றனர். உரிய பங்கு எவ்வளவு என்பது பற்றி விளக்குவதுதான் சமூகநீதித் தத்துவம்; உரிய பங்கினைப் பெற்றுத் தருவதுதான் சமூக நீதி இயக்கத்தின் பணியாகும்.

ஒடுக்கப்பட்ட மக்கள்தான் ஒழுங்கான வழிமுறையில் இயல்பாகப் பிறந்தவர்கள்!

சமுதாயத்தில் அடக்கப்பட்ட மக்களின் உரிய பங்கினை மறுப்பதற்கு ஆயிரக்கணக்கான கார ணங்கள் சொல்லப்படுகின்றன.  புராண, இதிகாச, மனுஸ்மிருதி கோட்பாடுகள் எடுத்துக் காட்டப்படுகின்றன. கடவுளை, மதத்தினை துணைக்குச் சேர்த்துக் கொள்ளுகிறார்கள். மக்கள் அனைவரும் ஒன்றல்லவாம். பிரம்மாவின் முகத்தில் உதித்தவர் பிராமணர்; தோளில்பிறந்தவர் க்ஷத்திரியர்; தொடையில் தோன்றியவர் வைசியர்; பாதத்திலிருந்து வந்தவர்கள் சூத்திரர்கள்.

இவ்வாறு புராண காரணங்கள் கூறி சூத்திரர்களுக்கு கல்வி மறுக்கப்பட்டு வந்துள்ளது தான் வரலாறு. தந்தை பெரியார் தனது பகுத்தறிவுப் பிரச்சாரக் கூட்டங்களில் இந்தப் புராண விளக்கங்களை விளக்கிக் கூறும்போது, ஒருமுறை கூட்டத்தில் ஒருவர் கேட்டாராம். இந்த நான்கு வகையிலும் வராத பஞ்சமர்கள் எப்படிப் பிறந்தார்கள் எனக்கேட்டார். அதற்குத் தந்தை பெரியார், பஞ்சமர்கள்தான் ஒழுங்காக, இயல்பாக, தந்தைக்கும் தாய்க்கும் பிறந்தவர்கள் என பதில் சொன்னார். இப்படிப் புராணத்தைக் காட்டி மக்களை வேறுபடுத்தி, அண்ணல் அம்பேத்கார் கூறுவது போல, அடுக்கு முறையில் வேறுபடுத்தி, அடித்தள மக்கள் உரிய நிலைக்கு, உயர்வு நிலைக்கு வராமல் ஆதிக்க வாதிகள் ஆண்டாண்டுகாலமாக பார்த்துக் கொண்டனர்.

நீதித்துறையிலும் இட ஒதுக்கீடு வேண்டும் சமூக நீதி இயக்கம் பாடுபட்ட காரணத்தால் அடக்கப்பட்ட மக்கள் கல்வி கற்று, அரசு அதிகார வேலை வாய்ப்புகளில் ஓரளவிற்கு உயர முடிந்தது. அடக்கப்பட்ட மக்கள் இன்னும் நுழைய முடியாத, இட ஒதுக்கீடு நடை முறைப்படுத்தப்படாத துறைகளுள் ஒன்று நீதித்துறை. உச்ச நீதிமன்ற நீதிபதியாய் பலர் உள்ளனர். அடக்கப் பட்ட மக்களை பிரதிநிதித்துவப் படுத்துகின்ற வகையில் ஒரு தாழ்த்தப்பட்ட நீதிபதி கூட தற்சமயம் உச்சநீதி மன்றத்தில் இல்லை.

கேட்டால் உயர்நீதிமன்றத்தில் இருந்துதான் உச்ச நீதி மன்றத்துக்கு வர இயலும் என்று காரணம் சொல்லுகிறார்கள். உயர்நீதிமன்றங்கள் பலவற்றில் தாழ்த்தப்பட்ட சமுதாய நீதிபதிகள் மிகப் பலர் உள்ளனரே; ஆனால் ஆதிக்கவாதிகளுக்கு மனமில்லை. எனவேதான் உயர்நீதிமன்ற, உச்சநீதிமன்ற பதவிகளிலும் இட ஒதுக்கீடு முறை - தாழ்த்தப்பட்ட, பழங்குடி மரபின, பிற்படுத்தப்பட்ட, சிறுபான்மையினருக்கு இட ஒதுக்கீடு நடைமுறைப் படுத்தப்பட வேண்டும். மக்கள் சமுதாயத்தில் சரி பாதியாக இருக்கும் பெண்களின் பிரதிநிதித்துவம் உச்ச நீதிமன்ற நீதிபதி பதவிகளில் உரிய முறையில் இல்லை. தற்சமயம் உள்ள ஒரே பெண் நீதிபதியும் உயர்ஜாதி வகுப்பினரைச் சார்ந்தவராகவே உள்ளார். எனவே உயர் நீதிமன்றங்கள், உச்சநீதிமன்றம் ஆகியவற்றில் சமூக நீதியினை பிரதிபலிக்கின்ற வகையில் இட ஒதுக்கீடு நடைமுறை யாக்கப்பட வேண்டும்; அதற்கான போராட்டம் நடத்தப்படும்.

தனியார் துறையிலும் வேண்டும் இடஒதுக்கீடு!

ஒரு பக்கம் ஒடுக்கப்பட்ட மக்களுக்காகக் கல்வி நிலையங்களில், அரசு மற்றும் அரசு சார்ந்த அமைப்புகளில் வேலை வாய்ப்பு என ஓரளவு இட ஒதுக்கீடு நடைமுறை இருந்தாலும், இன்றைய மாறி வரும் பொருளாதாரச் சூழல் ஒடுக்கப்பட்ட மக்கள் ஆட்சி அதிகாரத்திற்கு முழுமையாக வரும் சூழலை உருவாக்க வில்லை.

தனியார் மயமாக்கல் எனும் அரசு கொள்கை மூலம், அரசு வேலை வாய்ப்புகள் குறைந்து கொண்டு வருகின்றன. அரசின் பணத்தில், ஆதரவில் துவக்கப்படும் தனியார் நிறுவனங்களில் பன்னாட்டு நிறுவனங்களில் தாழ்த்தப்பட்ட, பழங்குடி மரபின, பிற்படுத்தப்பட்ட,  சிறுபான்மை மக்களுக்கு இட ஒதுக்கீடு கோரும் அடுத்த கட்ட சமூக நீதிப் பயணத்தைத் திராவிடர் கழகம் முன்னெடுக்கும். உங்கள் சமூக நீதிப் பேரவையும், இந்த மக்களும் உடன் போராட முன்வர வேண்டும். தனியார் துறையில் இட ஒதுக்கீடு என்பது ஒன்றும் புதிதல்ல. அமெரிக்கப் பன்னாட்டு நிறுவனங்கள் பல இந்நாட்டில் முளைத்துள்ளன.

அமெரிக்கா முதலாளித் துவ நாடு. அந்த நாட்டிலேயே கருப்பின மக்களுக்கு, வெள்ளை இன மக்களுக்கு என முதலாளித்துவ தனியார் நிறுவனங்களில் உடன்பாட்டு முறை   என்ற பெயரில் இட ஒதுக்கீடு நடைமுறை உள்ளது. அந்த அணுகு முறையிலேயே இந்நாட்டுச் சூழலுக்கு ஏற்றவாறு தனியார் துறையில் இடஒதுக்கீடு கடைப் பிடிக்கப்படுவது தான் சரியான அணுகுமுறை யாகும்.

அரசினரின் கவனத்தை ஈர்த்துத் தனியார் நிறுவனங் களிலும் இட ஒதுக்கீட்டினை நடைமுறைப்படுத்த அனைத்து விதப் போராட்ட முறைகளும் கடைப்பிடிக் கப்படும். சமூக நீதிப் பயணத்தில் புதிய அத்தியாயத்தைத் துவக்குவோம்! புதுப் பயணம், அடக்கப்பட்ட மக்களுக்கு மற்றுமொரு விடியலாக அமையும் என்பது உறுதி. இந்த சமூக நீதிக் கூட்டத்தினை ஏற்பாடு செய்த சமூக நீதிப் பேரவை பாராட்டுக்குரியது. உழைத்தவர்கள் அனை வருக்கும் நன்றி.

கலந்து கொண்ட தலைவர்கள்

சமூகநீதிப் பொதுக் கூட்டத்தில் கேசன ராமசாமி, முதுநிலை வழக்குரைஞர் ஒடுக்கப்பட்ட மக்கள் சங்கத் தலைவர், பேராசிரியர் கவுடு சத்தியநாராயணா, மேனாள் முதல்வர், உஸ்மானியா பல்கலைக் கழகக் கல்லூரி, பேராசிரியர் விஜய் ராஜூ, கே. சுனில் கவுடு, ஆந்திர பார் கவுன்சில் உறுப்பினர், வெண்டேரு ரவிபாபு யாதவ், ஆந்திர மாநில திரைப்படத் தணிக்கைக் குழு உறுப்பினர், கொக்கிலிகட்டா வெங்கடநரசிம்ம ராவ், மக்கள் சேவை சங்கம், பொப்பிலி வெங்கடேசுவர ராவ், குண்டூர், ஆர். சுதாகர் ஆகிய சமூக நீதித் தலைவர்கள் மற்றும் போராளிகள் உரையாற்றினர்.

இரவு 9 மணி வரை நடைபெற்ற சமூக நீதிப் பொதுக் கூட்டம் நன்றி கூறலுக்குப் பின் நிறைவு பெற்றது. இறுதி வரை கூட்ட மைதானம் பொது மக்கள் நிறைந்து காணப்பட்டது சமூக நீதிப் பொதுக் கூட்ட வெற்றிச் சிறப்பினை அந்நிலை எடுத்துக் காட்டியதாக இருந்தது.

அய்.அய்.டி. நுழைவுத்தேர்வு மாற்றமும் - தமிழக மாணவர்களும் (2)

எழுத்துரு அளவு  

பல விடைகளில் ஒன்றைத் தேர்ந் தெடுக்கும் முறையின் மூலம் 3 மணி நேரம் மட்டுமே நுழைவுத் தேர்வு நடத்தப்பட்டு அதன்மூலம் மாணவர்கள் தேர்ந்தெடுக் கப்படவேண்டும் எனும் கோரிக்கையை வைத்திருக்கிறார். இரண்டு தேர்வுகள் 6 மணி நேரம் தேவையில்லை, இன்னும் எளிமைப்படுத்தலாம் என்று கூறியிருக்கின்றார்.

யார் இந்த ஆனந்த்? சூப்பர் 30 நிறுவனம் என்பது என்ன? எனும் கேள்வி களுக்கு விடை காண ஒரு 7 ஆண்டுகள் பின்னோக்கி செல்ல வேண்டும். ஏழை மாணவர்கள் அய்.அய்.டி. நுழைவுத் தேர்வில் வெற்றி பெற வேண்டும், அவர் களுக்கு பயிற்சி  கொடுக்க வேண்டும் என்னும் நோக்கில் 2003-ல் பீகார் மாநிலத்தைச் சேர்ந்த ஆனந்த் என்பரால் ஆரம்பிக்கப்பட்ட நிறுவனம்.  - ராமானுசம் கணிதப்பள்ளி என்னும் பெயரில் செயல் படும் இந்த நிறுவனம் வருடத்திற்கு 30 மாணவர்களைத் தேர்ந்தெடுத்து தனிப் பயிற்சி கொடுக்கின்றது. அவர்களுக்கு உணவு, இருப்பிடம், பயிற்சி அனைத்தை யும் இலவசமாக கொடுக்கின்றார்கள்.

இந்த நிறுவனத்தின் மூலம் இதுவரை 300 பேர் வரை அய்.அய்.டி. நுழைவுத்தேர்வில் வெற்றி பெற்று படித்து முடித்திருக் கின்றார்கள், படித்துக் கொண்டிருக் கிறார்கள். வேறு எவரிடமும் நன் கொடையோ, பணமோ வாங்குவதில்லை, 30 பேருக்கு மேல் பயிற்சி கொடுப்பதில்லை என்று செயல்படுகின்ற இந்த நிறுவனத்தில் சென்ற இரு வருடங்களாக 30 -க்கு 30 என படித்த அனைவருமே நுழைவுத் தேர்வில் வெற்றி பெற்று அய்.அய்.டி. நிறுவனத்தில் படித்துக் கொண்டி ருக்கிறார்கள். வெற்றி பெற்று அய்.அய்.டி.யில் படித்துக்கொண்டிருப்பவர்கள், அடுத்த ஆண்டு பயிற்சி பெறுவர்களுக்கு பாடம் நடத்துகிறார்கள்,

வெற்றி பெறும் வழி முறைகளை சொல்லித்தருகின்றார்கள், அதன்மூலம் புதியவர்கள் வெற்றி பெறு கின்றார்கள். அவர்தான் மத்திய அமைச்சரை சந்தித்து இந்தத் தேர்வினை எளிமையாக்குங்கள் என்ற கோரிக் கையை வைத்திருக்கின்றார். இந்த செய்திக்கு இணையத்தில் பின்னூட்டம் எனப்படுகின்ற வாசகர் கருத்துக்கள் வெளியிடப்பட்டுள்ளன. பலர் அய்.அய்.டி.நுழைவுத்தேர்வில் மாற்றம் என்றவுடனேயே கூடாது, கூடாது , மாற்றினால் தகுதி, திறமை போய்விடும் என்று கூறியிருக்கின்றார்கள். . சிலர் சரியாகவே கேட்டிருக்கின்றார்கள், அய்.அய்.டிக்கள் இந்தியாவில் ஆரம் பிக்கப்பட்டு 50 ஆண்டுகளுக்கு மேல் ஆகிவிட்டது, எத்தனை நோபல் பரிசு பெற்ற விஞ்ஞானிகளை அந்த நிறு வனங்கள் தந்திருக்கின்றன, அல்லது உலக அளவிலான அறிவியல் கண்டு பிடிப்புகளை அந்த நிறுவனங்களில் படித்தவர்கள் தந்திருக்கிறார்களா? இல்லையே? அரசாங்கம் ஒவ்வொரு மாணவருக்கும் இலட்சக்கணக்கில் செலவு செய்கிறது, படிக்கிறார்கள், பெரிய பெரிய நிறுவனங்களில் வெளி நாட்டில் வேலை பார்க்கிறார்கள், தன் பெண்டு, தன் பிள்ளை, சொத்துண்டு, சுகம் உண்டு என்று வாழ்கின்றார்கள், அவர் களால் இந்த சமூகத்திற்கு என்ன பயன் என்று கேட்டிருக்கிறார்கள். ஒடுக்கப்பட்ட பிள்ளைகள் ஏன் இந்தத் தேர்வில் வெற்றி பெற முடியவில்லை, எங்கே பிரச்சனை என்ற கேள்விகள் எழுகின்றபோது, அங்கே ஒரிஜனலான கிரியேட்டிவிட்டி உள்ளவர்கள் சேர்க்கப் படுவதில்லை, மாறாக 6-ஆம் வகுப்பி லிருந்து பயிற்சி கொடுக்கப்பட்டு,  அந்த பயிற்சி பெற்றவர்கள் போட்டித்தேர்வில் வெற்றி பெற்று, அய்.அய்.டி.யில் நுழை கின்றார்கள். இந்த பயிற்சியினை மிகப் பிரபலமான பல நிறுவனங்கள், பல ஆயிரக்கணக்கான ரூபாய்களை கட்டண மாகப் பெற்று கொடுக்கின்றன. ஒடுக்கப்பட்ட, பயிற்சி எடுக்காத மாணவர்களை பயமுறுத்தும் விதமாகவே இந்த நுழைவுத்தேர்வுகள் இருக்கின் றனவே தவிர, உண்மையிலேயே மாணவ மாணவிகளின் சிந்தனைத் திறனின் அடிப்படையில் அவர்களைத் தேர்ந் தெடுக்கும் தேர்வாக இந்த நுழைவுத் தேர்வுகள் இல்லை என்பதுதான் உண்மை. தமிழைத் தாய்மொழியாகக் கொண்டு படிக்கும் பல இலட்சக்கணக் கான மாணவர்களுக்கு இந்த அய்.அய்.டி. நுழைவுத்தேர்வுகள் என்றால் என்ன வென்றே தெரியாத நிலைமைதான் உள்ளது. தாய்மொழியிலும் தேர்வு வைக்கப் பட்டு, அவர்களின் சிந்தனைத் திறத்தின் அடிப்படையில் சேர்க்கப்பட்டு பின்பு அவர்களுக்கு உயர் கல்வி அளிக்கப் பட்டால் அவர்களும் ஒளிர்வார்கள், நாட்டின் பெருமையும் ஒளிரும்.2006-இல் ஒரு அய்.அய்.டி. சேர்க்கை குறித்த வழக்கில் கருத்து தெரிவித்த உச்ச நீதிமன்றம், அய்.அய்.டி. சேர்க்கை எப்படி நடக்கிறது என்பதில் ஒரு வெளிப் படையான தன்மை இல்லை என்று கூறியிருக்கிறது.   பார்ப்பன ஊடகங்கள் புதிய முறை கூடாது என்று கூறுகின்றன. பார்ப்பன பேராசிரியர் அமைப்புகள் புதிய மாற்றம் வரவே கூடாது என்று கூறு கின்றன.

உடனே பயந்து போன மத்திய அரசு ஜுன் மாதத்திற்கு பின் முடிவெடுக்கலாம் என்று முடிவெடுப்பதில் நழுவுகிறது. நம்முடைய தமிழக நாடாளுமன்ற உறுப் பினர்கள் புதிய முறையை, +2 மதிப் பெண்களுக்கு 40 மதிப்பெண் கொடுக் கும் முறையை ஆதரிக்க வேண்டும் ,கருத்தொற்றுமையை உண்டாக்க வேண் டும், மத்திய மனித வளத்துறை அமைச்சர் கபில்சிபல்  அவர்களை சந்திக்க வேண் டும்.  தமிழகத்தில், சென்னையில் அய்.அய்.டி. நிறுவனம் உள்ள்து,250 ஏக்கர் பரப்பளவில் மக்கள் வரிப்பணத்தில் பல்வேறு விதமான வசதிகளோடு மத்திய அரசால் நிறுவப்பட்டுள்ளது.  ஆனால் தமிழக மாணவ ,மாணவிகள் 2 சதவீதம் கூட இதில் படிக்க  முடிய வில்லை.  முழுக்க ஆந்திரா, மத்தியப் பிரதேசம் போன்ற பகுதிகளிலிருந்து மாணவ மாணவிகள் இத்தேர்வில் வெற்றி பெற்று சேருகின்றார்கள் என்று புள்ளி விவரங்கள் கூறுகின்றன. சென்ற வருடம் கோயம்புத்தூரில் 937 பேர் இந்த நுழைவுத் தேர்வினை எழுதியிருக்கிறார்கள், ஒருவர் கூட தேர்ச்சி பெறவில்லை. தேர்வு முறையில் மாற்றம் வருவதை வரவேற்கக்கூடிய அதே நிலையில், நமது மாணவ, மாணவிகள் இந்த அய்.அய்.டி. நுழைவுத்தேர்வில் வெற்றி பெறுவதற்கு எப்படிப்பட்ட பயிற்சிகளை கொடுக்க வேண்டும், எந்த வகுப்பிலிருந்து கொடுக்க வேண்டும், ஒரு ஆனந்த் என்பரால் 30 பேர் தேர்ந்தெடுக்கப்பட்டு 30 பேருமே இந்த அய்.அய்.டி .நுழைவுத் தேர்வில் வெற்றி பெற வைக்க முடிகிற தென்றால், தமிழகத்திலிருந்து ஏன் முடியவில்லை என்னும் கேள்வியை எழுப்பி கல்வியாளர்கள், ஆட்சியாளர்கள் விடை காண வேண்டிய நேரமிது. (நிறைவு)

நன்றி :விடுதலை 17-05-2012

அய்.அய்.டி. நுழைவுத்தேர்வு மாற்றமும் - தமிழக மாணவர்களும் (1)

அய்.அய்.டி. நுழைவுத்தேர்வு மாற்றமும் - தமிழக மாணவர்களும் (1)(வா. நேரு, தலைவர், மாநில பகுத்தறிவாளர் கழகம்)  

இந்தியாவில் இந்திய தொழில் நுட்ப நிறுவனங்கள் (அய்.அய்.டி.) 15 உள்ளன. ஆண்டுதோறும் இந்த நிறுவனங்களில் மாணவ மாணவிகள் சேர்க்கைக்கான நுழைவுத் தேர்வுகள் நடைபெறுகின்றன.  IIT-JEE   என்று கூறப்படும் இந்த நுழைவுத் தேர்வு முறைகளில் சில மாற்றங்களை 2013-இல் கொண்டு வரலாம் என்ற அடிப்படையில் மத்திய அரசு இரண்டு குழுக்களை அமைத்தது. அந்த குழுக்கள் சில பரிந்துரைகளை அளித்துள்ளனர்.

அதில் முக்கியமான ஒன்று +2-ல் எடுக்கும் மதிப்பெண்களுக்கு 40 மதிப் பெண்களும், மீதம் உள்ள 60 மதிப்பெண் களுக்கு நுழைவுத்தேர்வில் எடுக்கும் மதிப்பெண்களையும்  சேர்த்து அதன் அடிப்படையில் மாணவ, மாணவியர் சேர்க்கை நடைபெறவேண்டும் என்ப தாகும். மேலும் சில பரிந்துரைகளையும் அவர்கள் அளித்துள்ளார்கள். அய்.அய்.டி. நிறுவனத்தில் பணிபுரியும் பேராசிரியர்கள் சங்கங்கள் புதிய முறையை எதிர்த்திருக்கிறார்கள்.

பழைய முறையே நீடிக்க வேண்டும் என்று கூறுகின்றார்கள். அய்.அய்.டி கான்பூரின் செனட்டும், டெல்லி,மும்பை போன்ற அய்.அய்.டி. நிறுவன பேராசிரியர்கள் கூட்டமைப்பு களும் புதிய முறை கூடவே கூடாது என்று அறிக்கை கொடுத்திருக்கின்றார்கள்.

நமது மரியாதைக்குரிய பேராசிரியர், பல முனைவர்களை உருவாக்கிய முனைவர் வசந்தா கந்தசாமி அவர்கள், அய்.அய்.டி. சென்னை நிறுவனத்தில் தான் பட்ட துன்பங்களை எல்லாம் நமது மேடை களிலே எடுத்துக் கூறியிருக்கிறார்கள். அய்.அய்.டி. நிறுவனத்தில் படிப்பவர்கள் மட்டுமல்ல, பணி புரியும் பேராசிரியர்கள் பலரும் பார்ப்பனர்களே.

எப்படி நீதித்துறையில் இன்னமும் அவாளின் ஆதிக்கம் கொடி கட்டிப் பறக்கிறதோ, அவ்வாறே  அய்.அய்.டி- நிறுவனத்தில் அவாளின் ஆதிக்கம் கொடி கட்டிப் பறக்கிறது.

அவாளின் சங்கம்தான் புதிய முறை வேண்டாம் என்று கூறியிருக் கிறது. ஏன் வேண்டாம் புதிய முறை என்று சொல்கின்றபோது, +2 வில் வாங்கும் மதிப்பெண்ணை கணக்கிலேயே எடுக்கக் கூடாது, +2-வில் வாங்கும் மதிப் பெண் ணுக்கு 40 மதிப்பெண்கள் என்று கொடுத் தால் தரம் கெட்டுவிடும், தகுதி போய் விடும், திறமை போய்விடும் என்று சொல் கின்றார்கள்.

பெருந்தலைவர் காமராசர் சொன்னதுதான் ஞாபகம் வருகின்றது, உன் தகுதி, திறமையும் தெரியும், உங்கப் பன் தகுதி, திறமையும் தெரியும் என்று. தந்தை பெரியார், பாபாசாகிப் டாக்டர் அம்பேத்கர் போன்றவர்களின் முயற்சி யால் அய்.அய்.டி நிறுவனங்களில் தாழ்த் தப்பட்டோருக்கு(15), மலைவாழ் மாணவர் களுக்கு(7.5) இட ஒதுக்கீடு உள்ளது.

மண்டல் குழுவின் அமலாக்கத்தால், தன்னுடைய பிரதமர் பதவி போனாலும் பரவாயில்லை, பிற்படுத்தப்பட்டோருக்கு 27 சதவீத இட ஒதுக்கீட்டை அமல்படுத் துவேன் என்று சமூக நீதிக்காவலர் வி.பி.சிங் அவர்கள் அமல்படுத்தியதால், மண்டல் குழுவை அமல்படுத்தவேண்டும் என்பதற்காக போராட்டங்களும், மாநாடு களும் திராவிடர் கழகம், திராவிடர் கழகத் தலைவர்  மானமிகு கி.வீரமணி அவர் களின் வழிகாட்டுதலில் நடத்திய காரணத்தால்  27 சதவீத இடஒதுக்கீடு அய். அய்.டி. நிறுவனங்களில் உள்ளது. ஆனால் இதிலும் ஒரு பொடியை பார்ப்பனர்கள் வைத்துள்ளார்கள்.

மொத்தம் 10000 மாணவ, மாணவிகள் தேர்ந்தெடுக்கப்பட வேண்டும் என்றால் 1500 இடங்கள் தாழ்த்தப்பட்டோருக்கு, 750 இடங்கள் மலை வாழ் மாணவர் களுக்கு, 2700 இடங்கள் பிற்படுத்தப் பட்டோருக்கு ஒதுக்க வேண்டும். இதில் 1500 இடங்களுக்கு தகுதியான (?) தாழ்த்தப்பட்டோர், தகுதியான (?) மலைவாழ் மாணவர்கள் கிடைக்கவில்லை என்றால் அதனை நிரப்பமாட்டார்கள், அடுத்த வருடம் நிரப்புவார்கள், ஆனால் பிற்படுத்தப்பட்ட 2700 இடங்களில் தகுதியான  மாணவர்கள் கிடைக்கா விட்டால் (பிற்படுத்தப்பட்ட மாணவ மாணவிகளுக்கு இந்த வருமான வரம்பு என்னும் இடையூறும் இருக்கிறது) பொதுப்பிரிவிலிருக்கும் மாணவர்களை எடுத்து நிரப்பி விடுவார்களாம். .

ஊருக்கு ஊர் சாதிக் கணக்கெடுப்பு நடத்துவது போல 15 அய்.அய்.டி. நிறுவ னங்களில் வேலை பார்க்கும் பேராசிரி யர்கள், அலுவலர்கள், மாணவ, மாண விகள் அனைவரையும் சாதி வாரி கணக் கெடுப்பு நடத்த வேண்டும், அப்போது தான் மக்கள் தொகையில் 3 சதவீதம் உள்ள பார்ப்பனர்கள் எவ்வளவு இடத்தை அய்.அய்.டி நிறுவனங்களில் ஆக்கிர மித்து வைத்து உள்ளார்கள் என்பது தெரிய வரும்.

அண்மையில் மத்திய மனித வளத்துறை அமைச்சர் திரு.கபில்சிபல்   அவர்களை சந்தித்த சூப்பர் 30 நிறு வனத்தின் நிறுவனர் ஆனந்த், அய். அய்.டி. நுழைவுத் தேர்வினை எளிமை யாக்க வேண்டும்.....தொடரும் 

நன்றி : விடுதலை 15-5-2012

கணினியை இனிமேலும் கற்றுக்கொள்ள முடியுமா?

செயங்கொண்டத்தில் பெரியார் மெட்ரிகுலேசன் மேல் நிலைப் பள்ளியில் நடைபெற்ற ஆண்டுவிழாவில்(8.4.2012)  தமிழர் தலைவர் கி.வீரமணி அவர்கள் கலந்து கொண்டு உரையாற்றும்போது இந்தப் பள்ளியில் ஜாதி, மதம், அரசியல் கிடையாது. மனிதநேய கண்ணோட்டம் மட்டும்தான். கல்வி என்பது சமுதாய மாற்றத்திற்கு பயன்பட வேண்டும். இந்தப் பள்ளிக்கு மேலும், ஒரு கோடி ரூபாயில் கட்டடம் கட்டுவதற்கான பணிகள் நடைபெற்று வருகிறது. இங்கே வந்திருக்கின்ற பெற்றோர்கள் மாணவர்களிடம் நேரத்தைச் செலவிட வேண்டும். ஆசிரியரே பார்த்துக் கொள்வார் என்று விட்டுவிடக் கூடாது. இனி வரும் காலங்களில் கணினி பயிலாத வர்கள் கற்காதவர்கள் ஆவார்கள் என்ற நிலை வரும். ஆகவே, பெற்றோர்கள் வயதாகி இருந்தாலும் கணினி கற்றுக் கொள்ள வேண்டும். அவர்கள் கணினி கற்றுக்கொள்வதற்காக பள்ளி வளாகத் திலேயே குறைந்த கட்டணத்தில் மாலை நேர கணினி வகுப்பு பயிற்சிக்கு ஏற்பாடு செய்து தரப்படும். அதுதான் இந்த ஆண்டின் திட்டமாக செயல்படுத்தப்படும் என்று அறிவித்திருக்கின்றார்கள்.

கணினியை பெற்றோர் கற்றுக் கொள்வதா, அதுவும் கிராமப்புரத்து பெற்றோர் கற்றுக் கொள்ளமுடியுமா என்னும் கேள்வி எழுகிறது. கணினி கற்க என்ன படித்திருக்க வேண்டும்?  நம்மில் பல பேருக்கு கணினி கற்பதென்றால் நிறையப் படித்திருக்க வேண்டும் என்ற எண்ணம் வருகின்றது. 2, 3 ஆம் வகுப்பு படிக்கும் தன் மகன் கம்ப்யூட்டரில் கேம் விளையாடுவதையும், டைப் செய்வதையும் பார்த்துக்கொண்டிருக்கும் பெற்றோர் கூட கணினி முன் அமர்ந்து கற்றுக் கொள்ளத் தயங்குகின்றனர்.

பெரியார் இயக்கத்தை பொறுத்தவரை கல்வி என்பதாக இருந்தாலும் சரி, வாழ்க்கை என்பதாக இருந்தாலும் சரி  அது மற்றவர்களுக்கு, சமூகத்திற்கு ஏதேனும் ஒரு வகையில் பயன்படவேண்டும் என்பதுதான் அடிப்படைக் கொள்கை. அவ்வகையில் பெற்றோர்கள் கணினி  கற்றுக் கொள்வது அவர்களுக்கும், அவர் களது குழந்தைகளுக்கும், சமூகத்திற்கும் பயன்படும் என்னும் நோக்கில் கணினியை கற்றுக்கொள்ளலாம். கணினி கற்றுக் கொள்ள தமிழ் எழுதப் படிக்கத் தெரிந்தால் போதும், அத்தோடு ஆங்கில எழுத்துகளைப் பற்றிய அறிமுகமும், எந்தத் தமிழ் எழுத்துக்கு  எந்த ஆங்கில எழுத்தை டைப் செய்ய வேண்டும் எனும் அறிமுகமும் இருந்தால் போதும். கொட்டிக் கிடக்கும் தகவல்கள்

இணைய தளத்தில் தகவல்கள் கொட்டிக் கிடக்கின்றன. நூலகத்திற்கு சென்று, நூல்களை தேடிக் கண்டுபிடித்து அவற்றில் நமக்கு வேண்டிய தகவல்களை குறிப்பதெல்லாம் அந்தக் காலம்.

கூகிள் சர்வரிலோ அல்லது மற்ற தேடு தளங்களிலோ சென்று நமக்கு வேண்டி யதைப் பெறுவது இந்தக்காலம். நேர விரயம் குறைவு, பல்வேறு நூல்களில் உள்ள தகவலகளை ஒரே நேரத்தில் பெறக்கூடிய வசதி. அதனைப் போலவே இணைய தளத்தில் உள்ள பேஸ் புக் போன்ற குழுமங்களின் மூலமாக, வெகு காலமாக நாம் சந்திக்க இயலாத நமது ஊர்க்காரர்களை, நமது பழைய கல்லூரி நண்பர்களை, பள்ளி நண்பர்களையெல் லாம் அடையாளம் கண்டு அவர்களோடு மீண்டும் நட்பினை புதுப்பித்துக் கொள்ளலாம்.

நமது ஒத்த கருத்தோட்டமுடையவர் களின் கருத்துகளை தெரிந்து கொள்ள லாம். நமது பரம்பரை எதிரிகள் எப்படிப்பட்ட கருத்துகளோடு இருக்கிறார்கள், அவர் களின் எண்ணம் என்ன? வெளியே சொல் லும் செய்திகள் என்ன போன்றவற்றை எல்லாம் அறிந்து கொள்ளலாம். பல்வேறு பத்திரிகைகளைப் படித்துக் கொள்ளலாம். இணையமும் இடையூறுகளும்   நமது குழந்தை வேற்று நாட்டு மொழியைக் கற்றுக் கொள்ள வேண்டுமா?  ஆங்கிலத்தில் இன்னும் புலமை பெற வேண்டுமா? தமிழ் இலக்கணத்தை நன்றாகப் புரிந்து கொள்ள வேண்டுமா? மேடையிலே பேசுவது எப்படி என்பதனைத் தெரிந்து கொள்ள வேண்டுமா? போட்டித் தேர்வுகளில் வினாக்கள் எப்படி வரும் என்று அறிந்து கொள்ள வேண்டுமா?  போட்டித் தேர்வுகளுக்கு எப்படி தயாரிக்க வேண்டும் என்பதனை ஏற்கெனவே வெற்றி பெற்றவர்கள் சொல்வதைக் கேட்க வேண்டுமா? அத்தனைக்கும் வலைத் தளங்கள் கொட்டிக் கிடக்கின்றன. இணையத்தை சரியாகப் பயன்படுத்த தெரிந்த ஒரு மாணவரால் பல வகையிலும் முன்னேற முடியும். இவையெல்லாம் நேர் மறையான செய்திகள். எதிர்மறையான செய்திகளும் இணையத்துக்குள் இருக் கின்றன. இணையத்தைப் பயன்படுத்து பவர்களில் மூவரில் ஒருவர் ஆபாச படம் பார்க்க அதனைப் பயன்படுத்துகின் றார்கள் என்று புள்ளி விவரங்கள்  சொல்கின்றன. 10, 12 வயது சிறுவனிடம் மிக வேகமாக செல்லும் இரு சக்கர வண்டியைக் கொடுத்து, அதிக டிராபிக் உள்ள சாலையில் அனுப்புவது போன்றது, எந்த விதமான கட்டுப்பாடுகளும் இல்லாமல் மாணவர்களை, மாணவிகளை இணைய தளத்தினை பயன்படுத்த சொல்வது  விபத்தில்  எந்த நேரத்திலும் நமது பிள்ளையைப் பறிகொடுக்க நேரிடலாம் என்பது போன்றதே, இணைய தளப் போதையால் நமது குழந்தையின் எதிர்கால வாழ்வும், நிகழ்கால அமைதியும் தொலைய நேரிடலாம்.

அதனால் பெற்றோரின் நிம்மதி முற்றிலுமாக தொலைந்து போகலாம். தமது குழந்தைகளின் நல்வாழ்வுக்காக பெற்றோர்களும் கொஞ்சம் கணினி கற்றுக் கொள்ளலாம். கண்காணிப்பு அவசியம் மாணவ, மாணவிகளுக்கு பெற் றோர்கள் மிகுந்த செலவு செய்து, புதிய மாடல் கண்னிகளை வாங்கிக் கொடுக் கின்றார்கள். அதனை வீட்டின் ஏதேனும் ஒரு மூலையில், இருட்டறைக்குள் வைத்து விடுகின்றார்கள். குடும்பத்தில் எல்லோ ரும் வந்து புழங்கும் இடமாக இருக்கக் கூடிய இடத்திலேயே கணினியை வைக்க வேண்டும் என்பது என் கருத்தாகும். மடிக்கணினியாக (லேப் டாப்) இருந்தால் கூட அதனை பெற்றோர்கள் பயன் படுத்தத் தெரிய வேண்டும்.

என்ன வலைத் தளங்கள் பார்க்கப் பட்டிருக்கின்றன, எவ்வளவு நேரம் இணைய தளத்தினைப் பயன்படுத்தியி ருக்கின்றார்கள், பேஸ் புக் போன்ற குழுக்களில் யார் யாரெல்லாம் நமது குழந் தைகளோடு தொடர்பில் இருக்கின் றார்கள், எப்படிப்பட்ட மன நிலை உள்ள கணினி விளையாட்டுகளை (கேம்ஸ்)  விளையாடுகிறார்கள் என்பதையெல்லாம் கவனிக்க வேண்டும்.  விபரம் தெரியாத வயதில், வெளுத்த தெல்லாம் பால் என்று குழந்தைகள் நினைத்துக்கொண்டிருப் பார்கள்,  பெற்றோர்கள்தான் இதனைக் கண்காணிக்க வேண்டும். கணினியையும், குழந்தையையும் கட்டுப்படுத்தலாம்

பெற்றோர்கள் கணினி கற்றுக் கொள்வதன்மூலம், தன்னுடைய குழந்தை கணினியில் எதைப் பார்க்க வேண்டும், எதைப் பார்க்கக்கூடாது, எவ்வளவு நேரம் பார்க்கலாம், கேம்ஸ் எவ்வளவு நேரம் விளையாடலாம் போன்ற பல்வேறு விசயங்களை கட்டுப்படுத்த முடியும். பெற்றோர்கள் கட்டுப்படுத்த (ஞயசநவேயட ஊடிவேசடிடள) என்ற ஒரு வசதியே கணினியில் இருக்கிறது. கணினியில் ளவயசவ-ழூஉடிவேசடிட யீயநேட-ழூ ரளநச யஉஉடிரவேள என்ற பகுதிக்குள் உள்ளே சென்றால்,     என்ற வசதி இருக் கிறது. இந்த வசதியை ஓ.கே. கொடுப் பதன் மூலம் பல்வேறு கட்டுப்பாடுகளை இணைய தளத்திற்கு கொடுக்க முடியும்.

இணைய தளத்தில் தேடு தளத்தில் ஓர் எழுத்தினை வைத்து தேடச் சொல்லும்போது பல்வேறு விதமான வலைத்தளங்களும் வருகின்றன. ஆபாசப் படங்களோடு கூடிய வலைத் தளங்களும் வருகின்றன. பல பெற்றோருக்கு இதனை எப்படி தவிர்ப்பது என்பது தெரியவில்லை.
இந்த ளநவரயீ யீயசநவேயட உடிவேசடிடள-ல் சிறுவர்கள் பார்க்கக்கூடிய வலைத் தளங்களை மட்டும் அனுமதிக்கவும் என்று கொடுப்பதன் மூலம் தேவையற்ற குப்பை களை நமது கணினிக்குள் வருவதை தவிர்க்கலாம்.  எவ்வளவு நேரம் குழந் தைகள் கணினியைப் பயன்படுத்தலாம் என்பதற்கு நீங்கள் குறிப்பிட்ட நேரத்தை கொடுத்து பயன்படுத்தச் சொல்லலாம், அந்த குறிப்பிட்ட நேரம் முடிந்தவுடன் தானகவே கணினி வேலை செய்வதை நிறுத்திவிடும். இதனைப் போன்ற பல்வேறு வசதிகள் இதில் உள்ளன. எந்த வயதில் கற்றுக் கொள்வது?

தமிழர் தலைவர் அவர்கள் கூறும் போது, பெற்றோர்கள் வயதாகி இருந் தாலும், கணினி கற்றுக் கொள்ள முடியும் என்று கூறியிருக்கின்றார். வயதுக்கும், கணினி கற்றுக் கொள்வதற்கும் தொடர் பில்லை. ஆர்வமும், வாய்ப்பும் இருந்தால்  எந்த வயதிலும் கற்றுக் கொள்ள முடியும். எனக்குத் தெரிந்த ஒருவர், மிகப் பெரிய பொறுப்பினை அரசாங்கத்தில் வகித்தவர். மிகச் சிறந்த  பேச்சாளர், எழுத்தாளர், எத்தனையோ நல்ல விசயங் களை எனக்கு கற்பித்தவர். 65-க்கு மேற்பட்ட வயதில் கணினி கற்றுக் கொள்ள விரும்பினார். பெரிய வாய்ப்பாக எண்ணி கணினி பயன்பாட்டின் வழிமுறைகளைக் கூறினேன். ஒரு பத்தாவது படிக்கும் மாணவனைப்போல குறிப்புகளை எடுத்துக்கொண்டு, ஒவ்வொன்றாக செய்முறை பயிற்சி செய்து கற்றுக் கொண்டார். இரண்டு நாளில் ஒரு மாணவர் 2 மாதத்தில் படிக்கும் கணினி விசயங் களைக் கற்றுக்கொண்டார், இப்பொழுது அவராகவே மின் அஞ்சல் அனுப்புகிறார், மின் அஞ்சல் பெற்று வாசிக்கிறார். தேவை யான விசயங்களை கூகிள் போன்றவற்றில் தேடி எடுக்கின்றார், தமிழில் செய்தி அனுப்புகின்றார், ஆங்கிலத்தில் அனுப்பு கின்றார், தனக்கு விருப்பமான வலைத் தளங்களில் உலவுகின்றார், சும்மா கணினியில் புகுந்து விளையாடுகின்றார்.

முப்பதுகளில் இருக்கும் எனக்குத் தெரிந்த மற்றொருவர், அலுவலகத்தில் கணினியைப் பயன்படுத்தி வேலை பார்க்க வேண்டும், தனக்கு வேண்டிய அளவுகூட கணினியைக் கற்றுக் கொள்ள விருப்ப மில்லை, ஏதேனும் எழுத்து வேலை கொடுங்கள் என்று கேட்டுக் கொண்டு, கணினியைப் பார்த்துப் பயந்து  காலத்தை ஓட்டிக் கொண்டிருக்கிறார். விருப்பம் இருப்பின், எந்த வயதிலும் கற்றுக் கொள்ள முடியும். சமூக நலன் கருதி கற்றுக் கொள்ளுங்கள்  கிராமப் புற பகுதியில் இருக்கும் பெற்றோர்கள் கணினி கற்றுக் கொள் வதன் மூலம், இணையத்தைப் பயன்படுத்தி மின் அஞ்சல் போன்றவற்றை அனுப்பத் தெரிவதன் மூலம் தங்களது குறை பாடுகளை எளிதாக அதிகாரிகளுக்கு, மாவட்ட ஆட்சித்தலைவர் போன்றவர் களுக்கு அனுப்ப முடியும். தங்களது தொகுதி எம்.எல்.ஏ., எம்.பி., போன்றவர் களைத் தொடர்பு கொள்ள முடியும். கிராமத்தில் நிலவும் பிரச்சினைகளை, சமூக அமைதிக்கு எதிரான செயல்பாடு களை விடுதலை ( viduthalaimalar@gmail.com) போன்ற செய்தித் தாள்களுக்கு அனுப்ப முடியும்.

இலக்கிய நாட்டம் உள்ளவர்கள் தங்களுக்கு பிடித்த கவிஞர்களின், எழுத்தாளர்களின் படைப்புகளைப் படிக்கலாம், படி எடுக்கலாம். தங்களது குழந்தைகளுக்கு இருக்கும் வாய்ப்புகள் மட்டுமல்லாது, மற்ற கிராமப்புறத்தில் படிக்கும் மாணவர்களுக்கான வாய்ப்பு களையும் அறிந்து அவர்களுக்கு எடுத்து சொல்லலாம். ... இன்னும் பல வகையில் உங்களுக்கும், உங்கள் குடும்பத்திற்கும், உங்கள் ஊருக்கும், சமூகத்திற்கும்  பலன் கொடுக்கும் படிப்பு கணினி படிப்பு  எனவே பெற்றோர்களே, வாருங்கள், கணினி கற்றுக் கொள்ளுங்கள்.

நன்றி - விடுதலை 27.4.12 @28.4.12

நூல்

பங்குனி உத்திரமும் பள்ளிக்கூடமும்

முனைவர் வா.நேரு எழுதிய புதுப்பாக்களின் தொகுப்பு நூல் இது. பகுத்தறிவுக் கருத்துகளும் சமூகப் பார்வையும் நிரம்பி வழியும் புதுப்பா வரிகள் படிக்க இனிக்கின்றன.

கிராமங்கள் / சொர்க்கம் என்று / எவன் சொன்னது? / இன்றும்கூட / ஜாதியைக் / கெட்டியாகப் / பற்றியிருக்கும் / நரகம் அவை/...

நாங்கள் / உள்ளே நுழைவதற்கு / முத்தாலம்மன் / கோவிலுக்குள் / அனுமதி / இல்லையென்றால் / அந்தக் கோவில் / தேவைதானா எங்களுக்கு / மதியாதார் தலைவாசல் / மிதியாதே என்றார்கள் / எங்களை / மதியாத / மதத்தில் மட்டும் / இருக்க வேண்டுமா?...

இவை பொறுக்கி எடுக்கப்பட்ட சில வரிகள்.

வெளியீடு: மானமிகு பதிப்பகம், 3/20 ஏ, ஆதிபராசக்தி நகர், திருப்பாலை, மதுரை_625 014. பக். 128 ரூ. 60.

நன்றி :  உண்மை மாதம் இருமுறை இதழ்- ஏப்ரல் 16-30- 2012 

பயன்படு பேஸ்புக்கே !பயன்படு !

உனைப் பார்த்து
ஆண்டுகள் பல ஆயின


ஒரே பள்ளியில்
படித்ததும்
ஒன்றாய்க் குளித்ததும்
கிணற்றில் டைவ்
அடித்து குதித்ததும்
வீட்டில் மின்விளக்கு
இல்லாமையால்
இரவல் வெளிச்சங்களில்
ஒன்றாய் படித்ததும்
திண்பண்டங்களை
பகிர்ந்ததும்
சிரித்து மகிழ்ந்ததும்
மறந்தே போய்
வருடங்கள் பல
ஆயின நண்பா !

பேஸ்புக்கில் வந்து 

நட்பு செய்ய விருப்பம் 

எனத் தகவல் 

கொடுத்திருந்தாய் 

புதிதாய் நட்பா ? 

நீயும் நானும் 

ஒன்றாய் இருந்த 

தகவல்கள் அனைத்தும் 

மூளையில் இருந்து 

பதிவிறக்கம் 

செய்யப்பட்டு 

பட பட வென 

மனதில் ஓடிக்கொண்டிருக்க 

விருப்பம் என 

விடை கொடுத்தேன் 

நன்றி ! நன்றி 

இணையத்திற்கும் 

பேஸ் புக்கிற்கும் 

இன்னும் சிலர் 

முகம் அப்படியே 

மனதில் ஊஞ்சலாடுகிறது 

அவர்களின் முகமும் 

பாவனையும் 

உரிமையாய் பேசிய 

பேச்சுகள் மட்டுமே 

மனதில் இருக்க 

வெகு காலமாய் 

தொடர்பு எல்லைக்கு 

அப்பால் இருக்கும் 

அவர்களையும் 

தொடர்பு கொள்ள 

பயன்படு பேஸ்புக்கே ! 

பயன்படு !

வா. நேரு - 

17-4-12 கவிதையை வெளியிட்ட eluthu.com - ற்கு இனிய நன்றிகள்  

                                 

பகுத்தறிவாளர் கழகம் துணை நிற்க வேண்டும்

தஞ்சை, ஏப்.12- 5.4.2012 அன்று மாலை தஞ்சை கீழராச வீதி பெரியார் இல்லத்தில் தஞ்சை மாவட்ட ப.க. கலந்து ரையாடல் கூட்டம் நடைபெற்றது.

தொடக்கத்தில் கட வுள் மறுப்புக்கூறி அனை வரையும் வரவேற்று, கூட்ட நோக்கத்தினை விளக்கியும், புரட்சிக் கவிஞர் பாரதிதாசன் பிறந்தநாளை சிறப்பாக நடத்த தோழர்கள் நல்ல ஆலோசனை வழங்க வேண்டும் எனக்கூறிய தைத்தொடர்ந்து தஞ்சை ஒன்றிய ப.க. தலைவர்ஆசிரியர் ச.அழகிரி, ஒன்றிய ப.க. அமைப்பாளர் ஆசிரியர் பொ.ராஜீ,அம்மா பேட்டை ஒன்றிய ப.க. அமைப்பாளர் ஆசிரியர் இரா.பன்னீர்செல்வம், வெ.ரவிக்குமார், ஆசிரி யர் தங்கவெற்றிவேந்தன், நகரச் செயலாளர் கரந்தை முருகேசன், டேவிட், திருவையாறு ஒன்றிய ப.க. தலைவர் கோ.கவு தமன், மாவட்ட மாண வரணி செயலாளர் த.பர் தீன், பெரியார் பெருந் தொண்டர் சா.தண்டா யுதபாணி, புலவர் அன் பரசு, ஒரத்தநாடு ஒன்றிய தலைவர் ஆ.இலக்கு மணன், செயலாளர் அ. அருணகிரி, அம்மாப் பேட்டை ஒன்றிய அமைப் பாளர் செ.காத்தையன், தஞ்சை ஒன்றிய செய லாளர் ஆட்டோ ஏகாம் பரம், ஆசிரியர் மா. இலக்குமணசாமி, மாவட்ட இணை செய லாளர்ச.சந்துரு, மாவட்ட து.தலைவர் ப.தேசிங்கு, மாவட்ட செயலாளர் த.ஜெகநா தன், மண்டல செயலா ளர் மு.அய்யனார், மாவட்ட தலைவர் வழக் குரைஞர் சி.அமர்சிங், பெரியார் மணியம்மை பல்கலைக் கழக பெரி யார் உயராய்வு மய்யத் தின் இணை இயக்குநர் கழகப் பேச்சாளர் முனை வர் அதிரடி க.அன்பழ கன், மண்டலத் தலைவர் வெ.செயராமன், மாவட்ட ப.க. தலைவர் ஆசிரியர் ந.காமராசு, மாநில மாணவரணி செயலா ளர் கலைச்செல்வி அமர் சிங் ஆகியோர் உரைக் குப்பின் மாநிலஇளை ஞரணி செயலாளர் தஞ்சை இரா.செயக்குமார், உரையில் எதிர்கால இளை ஞர்களை இயக்கத்திற்கு ஈர்க்கும் சக்தி ஆசிரியர் களுக்குதான் உண்டு. மாணவர்களிடையே பாடம் நடத்தும்போது பகுத்தறிவுக் கருத்துக ளையும் கூறி மாணவர் களின் வழியை நல்வழிப் படுத்தி இயக்கத்திற்கு அறிமுகப்படுத்த வேண் டும் என்றார். தொடர்ந்து நிகழ்ச் சிக்கு முன்னிலை வகித்த மாநில ப.க. பொதுச் செயலாளர் வடசேரி வ. இளங்கோவன், உரை யாற்றும் போது, தந்தை பெரியார் காலம் முதல் நம் தமிழர் தலைவர் காலம் வரை இயக்க தலைமை எந்தப் பணியை அறிவித்தாலும், அதை உடனே நடைமுறைப் படுத்தும் மாவட்டம் தஞ்சை மாவட்டம்தான். அப்பெருமையை தக்க வைத்துக்கொண்டு புரட்சிக் கவிஞர் விழாவை நடத்தி எழுச்சியை ஏற் படுத்த வேண்டும் என்று கூறினார்.
வா.நேரு உரை

கூட்டத்திற்கு தலைமை வகித்த மாநில ப.க. தலைவர் முனைவர் வா.நேரு உரையாற்று கையில் திராவிடர் கழ கம் எந்தப்பணியை செய் தாலும் அவற்றுக்கு துணையாக இருந்து நம் அமைப்பு செயல்பட வேண்டும். நாம் நேரடி யாக களப்பணி ஆற்ற முடியவில்லை என்றா லும், விடுதலை, உண்மை, போன்ற நம் இதழ் களுக்கு சந்தா சேர்த்தல், மாதாந்திரக் கூட்டம் நடத்தி நம் தோழர்களின் சிந்தனையை கூர்மைப் படுத்திக் கொள்ள வேண் டும் தமிழர் தலைவர் அவர்களின் வழிகாட்டு தலின்படி, பார்ப்பன மூடப்பிரச்சாரத்தை முறியடிக்க வேண்டும். நம் இயக்க வெளியீடு களைப் பரப்ப வேண் டும். தமிழரின் கலை, இலக்கியத்தை வளர்க்க மாணவர்களிடையே பேச்சுப்போட்டியும், கட்டுரைப்போட்டியும் நடத்திட வேண்டும். புரட் சிக் கவிஞர் விழாவை நடத்திடவும், விடுதலை இதழ் வளர்ச்சி நிதியை யும் திரட்டி மாநில பகுத் தறிவாளர் கழகத்திற்கு தஞ்சை மாவட்ட பகுத் தறிவாளர் கழகம் உறு துணையாக இருக்க வேண்டும் என கூறினார்.

கூட்டத்தில் நிறை வேற்றப்பட்ட தீர்மானங் களை மாநில மாணவரணி செயலாளர் ம.திரா விட எழில் வாசித்தார். தஞ்சை நகர தி.க. தலைவர் வ.ஸ்டாலின் நன்றி கூறினார். நிகழ்ச் சியில் கலந்துகொண்ட கழகப் பேச்சாளர் முனை வர் அதிரடி அன்பழகன், பெரியார் மணியம்மை பல்கலைக் கழகத்தில் செயல்படும் பெரியார் உயராய்வு மய்யத்தின் துணை இயக்குநராகப் பொறுப்பேற்றதைப் பாராட்டியும், மாநில ப.க. தலைவர் வா.நேரு அவர்கள் முனைவர் பட் டம் பெற்றதைப் பாராட்டியும், இருவருக் கும் மாவட்ட தலைவர் வழக்குரைஞர் சி.அமர் சிங் அவர்கள் பட்டாடை போர்த்தி பெருமைப் படுத்தினார். கூட்டத்தில் கீழ்க்கண்ட தோழர்கள் கலந்துகொண்டு சிறப்பித்தனர். பொறியா ளர் ந.நேரு, மாவட்ட மாணவரணி து.தலை வர் இரா.மோகன்தாஸ், திருவையாறு ஒன்றிய அமைப்பாளர் இரா. மதுரகவி, மாவட்ட மக ளிரணி அமைப்பாளர் ச.அஞ்சுகம், யோகி ராச மாணிக்கம், பா.நரேந் திரன், அ.பெரியார்செல் வன், கா.இமயவரம்பன், உள்ளிட்ட தோழர்கள் கலந்துகொண்டனர்.

தீர்மானங்கள்

1. புரட்சிக்கவிஞர் பாரதிதாசன் அவர் களின் பிறந்த நாள் விழா வினை மிகச்சிறப்பாகக் கொண்டாடும் வகை யில் வரும் 28.4.2012 அன்று மாலை தஞ்சையில் பட் டிமன்றம், உள்ளிட்ட பல்வேறு நிகழ்ச்சிகள் நடத்தி, தமிழர் கலை, பண்பாட்டு புரட்சி நாளாக கொண்டாடிட தஞ்சை மாவட்ட பகுத்தறிவாளர் கழகம் விழா நடத்துவது என தீர்மானிக்கப்படுகிறது.

2. பகுத்தறிவாளர் கழகத்த்தின் சார்பில் அறிஞர் பெருமக்களை அழைத்து மாதாந்திர சிறப்புக்கூட்டம் நடத்து வது என முடிவு செய் யப்படுகிறது.

3. பகுத்தறிவாளர் கழ கப் பொறுப்பாளர்கள் அனைவரும் விடுதலை, உண்மை, பெரியார் பிஞ்சு, மார்டன் ரேசன லிஸ்ட் இதழ்களுக்கு சந்தா சேர்ப்பது என முடிவு செய்யப்படுகிறது.

4. தந்தை பெரியார் பிறந்தநாள் விழாவினை யொட்டி மாணவர்களுக்கு பேச்சுப்போட்டி, கட்டு ரைப்போட்டி, ஓவியப் போட்டி நடத்துவது என முடிவு செய்யப்படு கிறது.

5. ராமன் பாலத்தை தேசிய சின்னமாக அறி விக்கக்கோரி, தமிழக முதல்வர் இந்தியப் பிரதமர் மன்மோகன்சிங் அவர்களுக்கு கடிதம் எழுதியதை கண்டிக்கும் வகையில், அதற்கு மறுப்பு தெரிவித்து பிரதமர் அவர்களுக்கு தந்தி அல் லது மெயில் அனுப்ப வேண்டும் என அறிவித்த திராவிடர் கழகத் தலை வர் தமிழர் தலைவர் கி.வீரமணி அவர்களின் கட்டளையை ஏற்று நடைமுறைப்படுத்துவது என முடிவுசெய்யப்படு கிறது.

திருவிழாச் செய்திகளும் சமூகமும் (2)

திருவிழாச் செய்திகளும் சமூகமும் (2)

- முனைவர் வா.நேரு, தலைவர், மாநில பகுத்தறிவாளர் கழகம்

சரி சாமி என்று சொல்லிக் கும்பிடப் போகிறார்களே? கோவிலுக்கு உடம்பில் போட்டுப்போகும் உடைமைக்குப் பாது காப்பு இருக்கின்றதா? அப்பொழுது மட்டும் எப்படி எல்லாம் வல்ல கடவுள் காணாமல் போய் விடுகிறார்? அடுத்த செய்தி : செங்குன்றம் லட் சுமி அம்மன் கோவில் விழாவில் 9 பெண் களிடம் 80 பவுன் நகை திருட்டு .போலீஸ் அதிகாரியை முற்றுகையிட்டு பொது மக்கள் போராட்டம் (பக்கம் -23) .அட, இது என்னய்யா கொடுமையா இருக்கு - கடவுள் நம்மைக் காப்பாத்தும், அம்மன் நமக்கு அருள் பாலிக்கும்ன்னு பார்ப்பனப் பத்திரிகை எல்லாம் பக்கம் பக்கமா எழுதறா? தங்கம் விக்கிற விலையில , இப்படி 9 பெண்கள் நகையைப் பறிகொடுத்திருக் காங்களே! போலீஸ் அதிகாரியை முற்றுகையிடுவதற்கு முன்னாலே கோவில் அர்ச்சகரை அல்லவா முற்றுகையிட்டிருக்கணும், ஏம்பா எங்கிட்ட இருந்து காணிக்கையெல்லாம் வாங்கிக் கடவுள்கிட்டே கொடுத்தியே , இப்போ நகை காணாமல் போச்சே, கடவுளுக்கும் எங்களுக்கும் இடையிலே நீதானே மிடில் மேன், கடவுள்கிட்ட சொல்லி கண்டு பிடிச்சு சொல்லுன்னு சொல்லியிருக் கணும் , அதை விட்டுட்டு போலீசை முற்றுகையிட்டா, 300 பேர் நிக்கிற இடத்திலே 3000 பேர் நின்னு கன்னத் திலே நீங்க கை போட்டுக்கிட்டு இருக்கிற நேரத்திலே, திருடன் உங்க கழுத்திலே கையப்போட்டு திருடிக்கிட்டு போயிட றான், போலீஸ் என்ன செய்யும் ?

சரி சாமி என்று சொல்லிக் கும்பிடப் போகிறார்களே அவர்களின் உயிருக் காவது பாதுகாப்பு இருக்கிறதா? எல்லாம் வல்ல ? கடவுள் அப்போதும் காணாமல் போய்விடுவார், மாட்டிக்கொண்டவர் களின் உறவினர்கள்தான் அய்யோ பொய்யோவென்று கூக்குரலிடவேண்டும். இதோ அடுத்த செய்தி, சேலம் அருகே பெரிய மாரியம்மன் கோவில் தேரோட் டத்தின்போது உயர் அழுத்த மின் கம்பி உரசியதால் 34 அடி உயர தேர் தீப்பிடித்து எரிந்தது. இந்த விபத்தில் 4 சிறுவர்கள் உடல் கருகினர். சேலம் மாவட்டம் பெரிய வீராணத்தில் பெரிய மாரியம்மன் கோவில் உள்ளது. . கோவிலின் பங்குனி திருவிழா கடந்த 27ஆம் தேதி முதல் தொடங்கி நடந்து வருகிறது. எதிர்பாராத விதமாய் மின் கம்பி உரசியதில் இன்வெட்டருக்கும் மின்சாரம் பாய்ந்து வெடித்தது. இதனால் தேரின் உள்ளே அமர்ந்திருந்த வீரா ணத்தை சேர்ந்த பிரகாஷ் (வயது 14), சந்திரன் (10), தனுஷ் (10) மற்றும் 5 வயது சிறுவன் மணிகண்டன் ஆகியோர் இன் வெட்டர் வெடித்ததில் உடல் கருகினர் (பக்கம் 23) மேலே கண்ட செய்தி அனைத்தையும் படித்துப் பாருங்கள். பக்தர்களின் உடை மைக்கு பாதுகாப்பில்லை, பக்தர்களின் உயிருக்கு பாதுகாப்பில்லை, பக்தர்களுக் குள் நடக்கும் குழுச் சண்டைகளால் ஊரில் பதற்றமான சூழ்நிலை, ஒருவரின் விருப்பத்திற்கு மாறாக கட்டப் பஞ்சாயத்துகாரர்களால் கட்டாயமாக வசூலிக்கப்படும் வரி முறை, இது தவிர ஆபாச நடனங்கள், கலாச்சாரச் சீரழி வுகள், இவை அனைத்தையும் சேர்த்த தாகத்தான் இந்த மாத(பங்குனி) திரு விழாக்கள் அமைந்திருக்கின்றன.

பொருளாதார ரீதியாகவும் மிகப் பெரிய பாதிப்பை ஏற்படுத்தக்கூடிய வகையிலே இந்த திருவிழாக்கள் அமைகின்றன. குடிக்காத இளையோரை குடிப்பதற்கு பழக்கும் விதமாகவும் சில ஊர்களில் இவை அமைகின்றன. ஊரில் மூன்று நாள் திருவிழா என்றால் பக்தி கரை புரண்டு ஓடி, இலட்சக்கணக்கில் டாஸ்மார்க் கடைகளில் மது விற்பனையாகின்றது. ஊரில் உள்ள ஒரு மாரியம்மனோ, முத்தாலம்மனோ, காளியம்மனோ எல்லா சாதிக்காரர்களுக்கும் பொதுவாக இல்லாமல் போவதால், சாதிக்கு ஒரு வாரம் வைத்து, சாதிக்கு ஒரு அம்மனை வைத்து மாதம் முழுவதும் ஊரில் ஒலிபெருக்கியும், டாஸ்மார்க் விற்பனை யும் ஓடிக்கொண்டிருக்கிறது.

பல ஊர்களில் ஜாதிச் சண்டையை துவக்கி வைக்கும் விசில்களாக இந்தப் பங்குனி திருவிழாக்கள் அமைகின்றன. ஜாதிகளாய் நம்மை பிரித்து வைத்து, நம்மை படிக்க விடாமல் ஆக்கிய பார்ப்பனர்கள் தங்கள் பத்திரிகைகள் மூலம் இந்த அம்மன் திருவிழாக்களுக்கு மிக முக்கியத்துவம் கொடுத்து நமது படிப்பை, நமது பொருளாதாரத்தை, நமது வளர்ச்சியைக் கெடுக்கின்றனர். பல வண்ணங்களில் நோட்டீஸ்களை அச்சடித்து, ஏதோ ஆகாயத்தில் ராக் கெட் ஏவுவதற்கு நேரம் குறிப்பதுபோல, நேர அட்டவணை போட்டு கொடி ஏற்றுதல் என ஆரம்பித்து, காப்பு கட்டுதல், அம்மன் கரகம் எடுத்து வருதல். அம்ம னுடன் முளைப்பாரி, ஆயிரம் கண்பானை, காவடி எடுத்து வருதல். பெண்கள் கோடு கீரி வருதல், ஆண்கள் உருண்டு கொடுத்து வருதல், தீச்சட்டி எடுத்து வருதல், பறவைக் காவடி தீச்சட்டியுடன் வருதல் என மிகப் பெரிய பட்டியலை ஒவ்வொரு கோவில் விழாக் கமிட்டி யாரும் அச்சடித்து கொடுத்து வசூல் செய்கிறார்கள். திராவிடர் கழகத் தலைவர் ஆசிரியர் கி.வீரமணி அவர்கள் பல ஊர்களில் தீச்சட்டியை கையில் ஏந்தி, இது கடவுள் செயல் இல்லை என்பதனைக் காட்டி யிருக்கிறார், திராவிடர் கழகத் தோழர் களும் தோழியர்களும் பல்வேறு ஊர்களில் மூட நம்பிக்கை ஒழிப்பு ஊர்வலங்களில் கைகளில் தீச்சட்டியை ஏந்தி, தீச்சட்டி இங்கே, மாரியாத்தா எங்கே? எனக் குரல் கொடுக்கின்றார்கள், ஒரு ஆத் தாளும் இதோ நான் இருக்கிறேன் என வரக்காணோம். கடவுள் பேர் சொல்லி பக்தர்கள் தேர் இழுத்தால், கடவுள் இல்லை எனச் சொல்லி திராவிடர் கழக, பகுத்தறிவாளர் கழகத் தோழர்கள் கார் இழுக்கிறார்கள், எந்த கடவுளும் காரை நகர விடாமல் நிப்பாட்டக் காணோம். ஆனால், நாம் செயல் வடிவத்தில் காட்டும் பகுத்தறிவு செயல்பாடுகளை, மூட நம்பிக்கை ஒழிப்பு செயல் விளக் கங்களை பத்திரிகைகளும், ஊடகங்களும் பெரிய அளவில் வெளியிடுவதில்லை. விளைவு மூடநம்பிக்கை வைரஸ் கிருமிகள் பன்றிக்காய்ச்சலை விட வேகமாகப் பரவு கின்றன. சிலர் இது மக்களின் கொண் டாட்டம், கடவுள் பக்தி இல்லை என் கிறார்கள். மக்கள் நிலை கொண்டாடும் நிலையிலா இருக்கிறது. நாளில் பாதி நேரம் மின்சாரம் இல்லை, அடுப்பெரிக்க எரிவாயு இல்லை, பேருந்து கட்டண உயர்வு, மின் கட்டணம் உயர்வு , பால் விலை உயர்வு என மக்கள் விழி பிதுங்கி நிற்கும் நிலை. இந்த நிலையில் கட்டாயமாக நடத்தப்படும் செயற்கை கொண்டாட்டங்கள் மக்கள் வாழ்க்கையில் எந்த நல்ல விளைவையும் ஏற்படுத்தப் போவதில்லை, மாறாக பல குடும்பங்களில் இந்த பண்டிகைக்காக கடன் வாங்கி செலவழித்துவிட்டு பின்பு வட்டி கட்டி திணறும் நிலைதான் உள்ளது. இந்த திருவிழாக்களைப் புறக்கணிப்போம். சாதாரண மக்களுக்கு விழிப்புணர்வு ஏற்படுத்தி புறக்கணிக்க வைப்போம்.நன்றி - விடுதலை 11-4-12

திருவிழாச் செய்திகளும் சமூகமும்

திருவிழாச் செய்திகளும் சமூகமும்

- முனைவர் வா.நேரு, தலைவர், மாநில பகுத்தறிவாளர் கழகம்

சென்ற மாதம் +2 மாணவர்களுக்கு தேர்வு ஆரம்பித்து சில நாட்களுக்கு முன் தான் முடிந்திருக்கிறது. 10-ஆம் வகுப்பு தேர்வுகள் ஆரம்பித்து இப்போது நடந்து கொண்டிருக்கின்றன. 6-ஆம் வகுப்பு முதல் 9-ஆம் வகுப்பு வரை படிக்கும் மாணவ மாணவிகளுக்கு இனிமேல்தான் முழு ஆண்டுத் தேர்வுகள் நடக்க இருக் கின்றன. படிக்கும் மாணவ மாணவி களைப் பாதிக்கும் வகையிலே ஒலி பெருக்கிகள் ஊர் தோறும் அலறிக் கொண்டிருக்கின்றன. மாதந்தோறும் பண்டிகைகளும், திரு விழாக்களும் தமிழர்களின் மானத்தையும், பணத்தையும் அழித்தாலும் இந்த்ப் பங்குனியில் வரும் உத்திரமும் பொங்கலும் ஆங்கிலத்தில் கொஞ்சம் ஓவரா இல்லே என்று சொல்லுவார்களே, அதனைப் போலவே கொஞ்சம் ஓவராகவே தமிழர் களின் மானத்தையும், உழைப்பினால் கிடைத்த பொருளையும் வாங்கும் திரு விழாக்களாக இருக்கின்றன. காளி யம்மன், மாரியம்மன், முத்தாலம்மன், இப்படி பல்வேறு பெயர்களில், அதனைப் போலவே பங்குனி உத்திரம், கொடை, பங்குனிப் பொங்கல் என்று பங்குனி மாதத்தில் வரும் செவ்வாய், புதன், வியாழன், சில ஊர்களில் வெள்ளி தொடங்கி என்று இந்தத் திருவிழாக்கள் நடக்கின்றன. நம்மைப் போன்ற சமுதாய நலன் இயக்கங்கள் ஆயிரம் முறை அனுமதி வாங்கியதை உறுதி படுத்திக் கொண்டு பின்பு 10 மணிக்குள் முடிக்க வேண்டு மென்றால் நமது பேச்சாளர்களிடம் கையைக் காட்டி, கடிகாரத்தைக் காட்டி, மைக் செட்டுக்காரரைக் காட்டி எவ்வளவு முக்கியமான பிரச்சனையாக இருந் தாலும், சுருங்கச்சொல்லி விளங்க வையுங்கள் என்று வேண்டுகோள் வைத்து கூட்டத்தை முடிக்கின்றோம். ஆனால் திருவிழா என்று சொல்லி நீங்கள் நடத் தினால்,10 மணிக்குள்ளா, தேவையே இல்லை, விடிய விடிய நீங்கள் நடத்தலாம்,. நடக்கும் பாதையை மறிக்கலாம், நோயாளி படுத்திருக்கும் வீட்டிற்கு நேரே மைக்கைக் கட்டி விடிய விடிய கத்த விடலாம், ஆபாசக் குத்தாட்டத்தை ஏற்பாடு செய்யலாம், நடு இரவில் சாமி ஊர்வலம் என்று சொல்லி காது வெடிக்கும் அளவுக்கு பட்டாசுகளைக் கொளுத்தலாம் ஏனென்றால் இது பக்தி சம்பந்தப்பட்ட விசயம், யாரும் தடுக்கக் கூடாது, போலீஸ் வரலாம், ஆனால் கேள்வி கேட்கக்கூடாது, எந்த கண்டிசனும் போடக்கூடாது.இதுதான் இன்றைய தமிழகத்தின் நிலை. ஒரு கல்லை அம்மன் என்று சொல்லி தூக்கி வைத்துக்கொண்டு அடிக்கும் கூத்துகள் பார்க்க சகிக்கவில்லை நம்மால். இவ்வாறு நான் சொன்னவுடன் `பக்த கோடிகள் சிலர் வருத்தப்படக்கூடும். சனிக்கிழமை (7.4.2012) தினத்தந்தி (மதுரை) நாளிதழில் வந்த செய்திகள் சிலவற்றைத் துணைக்கு வைத்துக்கொள் கின்றேன். முதல் செய்தி கெங்குவார்பட்டி கோவில் திருவிழாவில் போலீஸ் இன்ஸ் பெக்டர் மீது தாக்குதல் ( பக்கம் 8).

தேனி மாவட்டம் தேவதானப்பட்டி அருகே கெங்குவார்பட்டியில் முத்தாலம் மன் கோவில் உள்ளது, இக்கோவிலில் பங்குனித் திருவிழா நடைபெற்று வரு கிறது. மஞ்சள் நீராட்டத்தின்போது ஒரு சிலர் தப்பு மேளம் அடித்தபடி வந்தனர். உடனே அந்தப்பிரிவை சேர்ந்த மற்ற வர்கள் கரகம் எடுத்து வருபவர்கள் மட் டுமே ஆடிவர வேண்டும் என எச்சரித் தனர். அதனால் அந்தப்பிரிவினருக்கு இடையில் மோதல் ஏற்பட்டது, இதனை அடுத்து காவலர் அங்கு விரைந்து வந்து தகராறில் ஈடுபட்டவர்களைத் தடியடி நடத்திக் கலைத்தனர். அப்போது கூட்டத் தில் நின்ற சிலர் கற்களை வீசினார்கள் . அதில் போலீஸ் இன்ஸ்பெக்டர் ஆனந்த், சப்-இன்ஸ்பெக்டர் பாண்டிய ராஜன் ஆகியோர் தலை மற்றும் கைகளில் கற்கள் தாக்கி காயம் அடைந்தனர் இதன் காரணமாக கெங்குவார்பட்டியில் பதற்ற மான சூழ்நிலை நிலவுகிறது முத்தாலம் மன் திருவிழாவால் ஊரில் கோஷ்டி கலாட்டா, மண்டை உடைப்பு , கைது எல்லாம் யார் உபயம் எல்லாம் அந்த ஆத்தா முத்தாலம்மன் உபயம்தான் ஒரு பகுதியில் திருவிழா நடத்துகின்றார்கள் என்றால் காரியக்காரர்கள் சிலர் களத் தில் - பண வசூலில் இறங்கிவிடுகின் றார்கள். ஒவ்வொரு குடும்பத்துக்கும் ரூ.1000 வரி. இது சட்டம் போல, கட்டாயம் கட்ட வேண்டும், ஆயரமாயிரமா வசூலித்து என்ன நிகழ்ச்சி? குடிக்க நல்ல தண்ணிர் இல்லை குளம் வெட்டப் போகின் றார்களா? ஊரில் உள்ள பெரிசுகள் பலருக்கு குடிக்க கஞ்சி ஊற்ற நாதி யில்லை, ஊர்ப் பொதுவிலிருந்து ஊற்றப் போகின்றார்களா? என்னதான் பண் றாங்க பணத்தை வசூல் பண்ணி? சரி ஒருத்தருக்கும் கொடுக்க விருப்பமில்லை, ஓஞ்சாமியுமாச்சு, ஓந் திருவிழாவுமாச்சு, நான் ஆட்டைக்கு வரலைன்னு சொல்லி வரியைக் கொடுக்கவில்லையென்றால் என்ன செய்வார்கள் ?

இதோ அடுத்த செய்தி புதுக் கோட்டை மாவட்டம் பொன்னமராவதி தாலுகா கரையான்பட்டியைச் சேர்ந்தவர் வேலுச்சாமி. ஓய்வு பெற்ற ராணுவ வீரர். இவர் மதுரை உயர்நீதிமன்ற கிளையில் தாக்கல் செய்துள்ள மனுவில் கூறி இருப்பதாவது எங்கள் கிராமத்தில் பத்திர காளியம்மன் கோவில் உள்ளது. இந்த கோவிலில் வருகிற 13ஆம் தேதி திருவிழா நடக்க உள்ளது. இதையொட்டி கிராமிய ஆடல் ,பாடல் பல்சுவை நிகழ்ச்சி என்ற பெயரில் ஆபாச பாலியல் வக்கிர நடனத்தை நடத்த விழா கமிட்டியினர் திட்டமிட்டுள்ளனர். இதற்கு வரி கொடுக்க வேண்டும் என்று கேட்டுக் கொண்டனர், இதற்கு நாங்கள் மறுத் தோம். இதனால் பழனியாண்டி மகன் சின்னாண்டி தலைமையில் கட்டப் பஞ்சாயத்துக்கூடி என்னையும், எனது தந்தை பழனிக்கண்ணு , எனது உறவினர் ராஜா ஆகியோரை ஊரை விட்டு ஒதுக்கி வைப்பதாகவும் , எங்களுடன் ஊரில் உள்ள வேறு யாரும் பேசக்கூடாது என்றும் உத்தரவிட்டனர். (பக்கம் 26). வரி கொடுக்கணும், வரி கொடுக்கலைன்னா ஊரை விட்டு ஒதுக்கி வைப்பாங்களாம்.
தொடரும்...
நன்றி -விடுதலை- 10-04-2012

மதுரையில் சார்லஸ் டார்வின் பிறந்தநாள் நாத்திக கூட்டமைப்பின் தலைவர் நரேந்திர நாயக் மூடநம்பிக்கை ஒழிப்புப் பிரச்சாரம்

கூட்டத்தில் பேராசிரியர் நம்.சீனிவாசன் உரையாற்றினார். உடன் வா.நேரு, தே.எடிசன் ராசா, நரேந்திரநாயக், பொறியாளர் சி.மனோகரன், மதுரை வே.செல்வம் ஆகியோர் உள்ளனர்.

மதுரை, மார்ச் 3-மதுரைமாநகர் மாவட்ட பகுத்தறிவாளர் கழகம் சார்பாக அறிவியல் அறி ஞர் சார்லஸ் டார்வின் அவர்களின் பிறந்த நாள் நினைவாக - மந்திரமா? அறிவியலா? எனும் செய் முறை விளக்க நிகழ்ச்சி 28.02.2012 செவ்வாய் மாலை 6 மணி அளவில் மதுரை பெரியார் பேருந்து நிலையம் அருகில் உள்ள விக்டோரியா எட்வர்டு மன்றத்தில் நடைபெற் றது . நிகழ்வுக்கு பகுத் தறிவாளர் கழக மாநி லத் தலைவர் வா.நேரு தலைமை ஏற்று உரை யாற்றினார். மதுரை மண்டலத் திராவிடர் கழகத் தலைவர் வே. செல்வம் அனைவரை யும் வரவேற்றார். வர வேற்புரையில் அனை வரையும் வரவேற்று, பிப்ரவரி 12-ஆம் நாள் பிறந்த சார்லஸ் டார்வி னின் பிறந்த நாளைக் கொண்டாட வேண் டியதன் அவசியம் , சார்லஸ் டார்வின் அவர்களின் சிறப்புகள் போன்றவற்றை எடுத்து ரைத்தார். திராவிடர் கழக தென் மாவட்ட பிரச்சா ரக்குழுத்தலைவர் தே. எடிசன்ராசா, திராவிடர் கழக நெல்லை மண்டலத்தலைவர் சி.மனோகரன், திராவிடர் கழக மதுரை மாநகர் மாவட்ட தலைவர் க.அழகர். பகுத்தறிவாளர் கழக மதுரை மாவட்டத் தலைவர் சே.முனியசாமி ஆகியோர்முன்னிலை ஏற்றனர். பேராசிரியர் முனைவர் நம்.சீனிவாசன் அவர்கள் இந்த விழாவின் நோக்கங்களையும், திராவிடர் கழகத் தலைவர் அய்யா ஆசிரியர் கி.வீரமணி அவர்களின் சிறப்புகளை யும், அவரது வாழ்க்கையும் இயக்கமும் எப்படி இணைந்த ஒன்று என்பதையும் விளக்கி அறிவியல் மனப்பான்மை பற்றிய கூட்டம் என்றாலே ஆசிரியர் அவர்களின் நினைவும் வரவேண்டும் என உரையாற்றினார். அகில இந்திய நாத்திக கூட்ட மைப்புகளின் தலைவர் டாக்டர் நரேந்திர நாயக் அவர்கள் மந்திரமா? அறி வியலா என்னும் செய்முறை விளக்கத்தை மக்கள் மத்தி யில் நிகழ்த்திக் காட்டினார். சாய்பாபா கையில் இருந்து விபூதி வரவழைப்பது, வெறும் கையில் இருந்து தங்க செயின் வரவழைப் பது ( வீடியோவில் சாய்பாபா அம்பலப்பட்டது திரையி டப்பட்டது),அறுவை சிகிச்சை செய்யாமலே குடலை வெளி யில் எடுப்பது ,பின்பு உள்ளே வைத்து தைப் பது, பில்லி சூனியம் என்ற பெயரில் எப்படி மக்கள் ஏமாற்றப்படுகிறார்கள்

(திரையிடல்) என்பது போன்ற பல செய்முறை விளக்கங் களை செய்து காண்பித்தார். அறிவியல் மனப்பான்மை என்றால் என்ன? அது ஏன் இல் லாமல் போகின்றது என் பது பற்றியும் உரை நிகழ்த் தினார். 85 அமைப்புகள் உள்ள இந்திய நாத்திக கூட்டமைப்பின் செயல் பாடுகள் பற்றியும் மக்கள் மத்தியில் எடுத்துரைத்தார். நிகழ்ச்சியின் இறுதியில் கேள்வி நேரம் ஒதுக்கப்பட்டு , கேள்விகளுக்கு பதிலளித்தார். முடிவில் மதுரை மாநகர் மாவட்ட பகுத்தறிவாளர் கழக செய லாளர் சுப.முருகானந்தம் நன்றி கூறினார். விழாவில் மதுரை புற நகர் மாவட்ட செயலாளர் அ.வேல்மு ருகன், மதுரை தி.க. மாவட்ட அமைப்பாளர் நா.முரு கேசன், மாவட்ட துணை செயலாளர் ச. நாகராசன், மகளிரணி அமைப்பாளர் தி.அஜீதா, மகளிரணி ராக்கு, நா. நாகலட்சுமி, ப.க.துணை செயலாளர் பா.சட கோபன், மோதிலால், போட்டோ ராதா, விராட்டிபத்து சுப் பையா, பிரதாப், சொர்ணம் நேரு, சொ.நே.அறிவுமதி, பேரா.ஜோதி சீனிவாசன், சுசிலா வேல்முருகன் மற்றும் பலர் கலந்து கொண்டனர். பொதுமக்கள் கூட்டத்தால் அரங்கு முழுவதும் நிரம்பி நிகழ்ச்சி நடந்தது. viduthalai - 3-3-12

மனதுக்கு உகந்த நாளாக இந்த நாள்

மதுரையில் உள்ள ராம் நல்லமணி யாதவ பெண்கள் மேல் பள்ளியில் பதினொன்றாம் வகுப்பு படிக்கும் மாணவிகளுக்கு வழிகாட்டும் நிகழ்ச்சியினை அந்தப் பள்ளியின் தலைமை ஆசிரியை ஏற்பாடு செய்திருந்தார். ஏறத்தாழ 200 பெண் குழ்ந்தைகளிடம் பேசும் வாய்ப்பு கிடைத்தது. எனது பையனின் வயதுள்ளவர்கள், 11-ஆம் வகுப்பு படிப்பவர்கள் என்பதால் அவர்களின் பிரச்சனைகள் பற்றிய புரிதல் எனக்கு இருந்தது. ஏன் படிக்க வேண்டும் என்ற கேள்வியை முன்வைத்து ஆரம்பித்தேன், ஒவ்வொருவரும் ஒவ்வொரு பதிலை சொன்னார்கள். ஏன் படிக்க வேண்டும், எப்படி படிக்க வேண்டும், படிப்பதை நினைவில் வைப்பது எப்படி, நினைவில் வைப்பதை தேர்வில் எழுதுவது எப்படி போன்றவற்றைச் சொன்னேன். போட்டித்தேர்வுக்கும் , பள்ளித் தேர்வுக்கும் உள்ள வேறுபாடு , போட்டித்தேர்வில் வெற்றி பெற்று பதவி பெற்றால் கிடைக்கும் சமூக அங்கீகாரம், சமூகத்திற்கு நம்மால் செய்யக்கூடிய உதவி, பாதகம் செய்பவர்களுக்கு எதிராக எப்படி நல்ல முறையில் நமது பதவியைப் பயன்படுத்தலாம், அந்தக் காலத்தில் பெண்கள் இருந்த நிலைமை ,இன்றைக்கு மாறியிருக்கும் நிலமை போன்ற செய்திகளை சொன்னேன். கவிஞர் இளம்பிறை ஒரு பேட்டியில் சொன்ன அவரின் வரலாறு போன்ற பலரின் வரலாறுகளை சொல்லும் வாய்ப்பு கிடைத்தது. எனது பள்ளி தலைமை ஆசிரியர் திரு.வீரிசெட்டி அவர்களைப் பற்றியும், எனது கல்லூரி முதல்வர் திரு. கனகசபாபதி அவர்களைப் பற்றியும் சொன்னேன். நல்ல புத்தகங்களை, நல்ல மனிதர்களை பயன்படுத்த தெரிய வேண்டும், " படிப்பதே சுகமே" எனும் திரு வெ.இறையன்பு அவர்களின் புத்தகம், "இளைய தலைமுறைக்கு" என்னும் தங்கவேல் மாரிமுத்து அவர்களின் புத்தகங்கள் பற்றி சொன்னேன். ஏறத்தாழ ஒரு மணி நேரம் பேசிவிட்டு பின்பு அவர்கள் கேட்ட கேள்விகளுக்கும் பதில் சொன்னேன். புத்தகத்தூதன் திரு.பா.சடகோபன் அறிமுக உரை ஆற்றினார். மிகவும் மனதுக்கு உகந்த நாளாக இந்த நாள் அமைந்தது. பொருளாதார ரீதியாக எதுவும் எனக்கு வேண்டாம் என முன்பே சொல்லி விட்டேன். ஆனால் ஒரு 10000 ரூபாய் உழைத்துக் கிடைக்கும் மகிழ்ச்சியைவிட மேலான மகிழ்ச்சி கொடுக்கும் நாளாய் இந்நாள் அமைந்தது.

மராட்டிய மாநிலம் நாகபுரியில் நடைபெற்ற இந்திய பகுத்தறிவாளர் சங்கங்களின் கூட்ட மைப்பு (Federation of Indian Rationalist Associations - FIRA) 8ஆவது தேசிய மாநாட் டில் பகுத்தறிவாளர் கழகம் பங்கேற்றது

நாகபுரி, பிப்.14-அரசி யலிலிருந்து மதத்தைப் பிரித்திட நாடாளுமன் றம் நோக்கிப் பயணம் மேற்கொள்ளப்பட வேண்டும் என்று அகில இந்திய பகுத்தறிவாளர் சங்கங்களின் கூட்ட மைப்பு மாநாட்டில் தீர் மானம் நிறைவேற்றப் பட்டது.

மராட்டிய மாநிலம் நாகபுரியில் நடைபெற்ற இந்திய பகுத்தறிவாளர் சங்கங்களின் கூட்ட மைப்பு (Federation of Indian Rationalist Associations - FIRA) 8ஆவது தேசிய மாநாட் டில் பகுத்தறிவாளர் கழகம் பங்கேற்றது. பிப்ரவரி 11 மற்றும் 12 ஆகிய இருநாள்களில் நடைபெற்ற மாநாடு, நாகபுரி நகரின் மய்யப் பகுதியான சீதாபுல்டி பகுதியில் அமைந்துள்ள ராணி ஜான்சி சதுக்கம் - மூர் ஹிந்தி பவன் - ராம் கோபால் மகேஸ்வரி சபாகிருஹா மண்டபத் தில் நடைபெற்றது.

நாட்டின் அனைத்து மாநிலங்களிலிருந்தும் 300க்கும் மேற்பட்ட பேராளர்கள் மாநாட் டில் கலந்துகொண்ட னர். இந்திய பகுத் தறிவாளர் சங்கங்களின் கூட்டமைப்பினை நிறு விய அமைப்புகளுள் பகுத்தறிவாளர் கழக மும் ஒன்று. மாநாட்டில் பகுத்தறிவாளர் கழகத் தலைவர் வா.நேரு, பொதுச்செயலாளர்கள் - வீ.குமரேசன், வடசேரி வ.இளங்கோவன், துணைத் தலைவர் புதுவை மு.ந.நடராசன், மதுரை நகர் மாவட்ட பகுத்தறிவாளர் கழகத் தலைவர் சே.முனியசாமி மற்றும் பாண்டிச்சேரி தோழர்கள் வெற்றி வேல், எல்.பழனி ஆகி யோர் கலந்துகொண் டனர்.

தொடக்க விழா

முதல்நாள் (பிப்.11) காலை 10.30 மணி அளவில் மாநாட்டு தொடக்க விழா நடை பெற்றது. நாக்புரி - ராஷ்ட்ரசன்ட் டக் டோஜி மகராஜ் பல் கலைக் கழகத் துணை வேந்தர் முனைவர் விலாஸ் சப்கல் மாநாட் டினைத் தொடங்கி வைத்துச் சிறப்புரையாற் றினார். நாகபுரி கெயிக் வாட் பாட்டீல் குழு கல்வி நிறுவனங்களின் தலைவர் பேராசிரியர் சரத் பாட்டீல் தலைமை உரையினை வழங்கி னார். இந்திய பகுத்தறி வாளர் சங்கங்களின் கூட்டமைப்புத் தலைவர் பேராசிரியர் நரேந்திர நாயக் மாநாட்டின் நோக்கம் பற்றி எடுத்துக் கூறினார். மாநாட்டினை நடத்தும் பொறுப் பினை ஏற்றுக்கொண்ட அமைப்பான அகில பாரதிய அந்தஸிருத்த நிர்மூலன் சமிதியின் பொதுச்செயலாளர் ஹாரிஷ் தேஷ்முக் அறிமுக உரையாற்றிட செயல் தலைவர் உமேஷ் செளபே வருகை தந் தோரை வரவேற்றார்.

தொடக்க விழா வினை அடுத்து, கூட்ட மைப்பின் அங்கங் களான பல்வேறு பகுத் தறிவாளர் அமைப்பு களின் பொறுப்பாளர் கள், கடந்த இரண்டு ஆண்டுகளில் தங்களது அமைப்பின் செயல் பாடுகள் பற்றிய அறிக் கையினை அளித்தனர். பகுத்தறிவாளர் கழகத் தின் சார்பாக மாநிலத் தலைவர் வா.நேரு அறிக் கையினை அளித்தார். பகுத்தறிவாளர் கழகத் தின் கடந்தகாலச் செயல் பாடுகளைக் குறிப் பிட்டுவிட்டு, 2011ஆவது ஆண்டின் செயல்பாட் டுச் சிறப்பாக திருச்சியில் நடைபெற்ற உலக நாத்திகர் மாநாடு பற்றிய குறிப்பினை அளித்தார். உலக நாத்திகர் மாநாட் டில் கலந்துகொண்ட, இந்த மாநாட்டிற்கு வருகை தந்த பேராளர் கள் உலக நாத்திகர் மாநாட்டுச் சிறப்பினை நினைவுகூர்ந்து பாராட்டினர்.



இந்திய பகுத்தறிவாளர் சங்க கூட்டமைப்பின் 8ஆவது தேசிய மாநாட்டில் பங்கேற்ற தமிழக பகுத்தறிவாளர் கழக பொறுப்பாளர்களுடன் பிற மாநில முக்கிய பொறுப்பாளர்கள் கலந்து கொண்டனர். (மராட்டிய மாநிலம் நாக்பூர், 12.2.2012)

அடுத்து நடைபெற்ற கருத்தரங்க அமர்வில், நாட்டு வளர்ச்சியில் பகுத்தறிவின் பங்கும் மனிதநேயமும் (Role of Rationalism in Develop- ment of Country & Humanism) எனும் தலைப்பில் அகில பார திய அந்தஸிருத்த நிர் மூலன் சமியின் நிறுவ னரும், அமைப்பாளரு மான பேராசிரியர் ஸ்யாம் மானவ் கருத் துரை வழங்கினார்.

பிற்பகல் அமர்வில் இந்திய பகுத்தறிவாளர் சங்கங்களின் கூட்ட மைப்புப் புரவலர் யு.கலா நாதன், இந்தியாவை மதச்சார்பின்மைப்படுத்தல் (Secularisation of India)எனும் தலைப்பில் உரை யாற்றினர். மாலையில் பகுத்தறிவுப்பிரச்சார நடைமுறையினை விளக் கும் வகையில் ஆணி மேல் நடத்தல் செயல் முறை நடைபெற்றது.

இரவு உணவுக்குப் பின்னர் 9 மணி அளவில் பன்னாட்டு மனிதநேயர் மற்றும் நன்னெறி ஒன்றி யத்தின் (International Humanist and Ethical Union) பன்னாட்டு இயக்குநர் பாபு கோகி னேனி, பல்வேறு பகுத் தறிவாளர் அமைப்புப் பொறுப்பாளர்களிடம் கலந்துரையாடினார். பகுத்தறிவாளர்கள், அமைப்பு அடிப்படை யில் பணியாற்றும் பொழுது நேர்கொள் ளும் இன்னல்கள், சவால்கள் மற்றும் அவைகளைக் களைவ தற்கு மேற்கொள்ளப் பட வேண்டிய அணுகு முறைகள் பற்றி விளக் கம் அளித்தார்.

இரண்டாம் நாள் நிகழ்ச்சி

மூடநம்பிக்கை ஒழிப்பு, பில்லி சூனிய எதிர்ப்பு ஆகிய செயல் பாடுகளை, பெரும் பான்மை அமைப்பு நடவடிக்கைகளாகக் கொண்டுள்ள, கூட்ட மைப்பு மாநாட்டினை ஏற்பாடு செய்திருந்த அகில பாரதிய அந்த ஸிருத்த நிர்மூலன் சமிதி அமைப்பினர். மூட நம்பிக்கை ஒழிப்பு ஊர்வலம் நடத்தினர்.

பேயாட்டம், அலகு குத்தி கார் இழுப்பு ஆகியவற்றின் செயல் முறை விளக்கங்கள் ஊர்வலத் தின் அம்சங்களாக இருந்தன. நமது பகுத்தறிவாளர் கழகத் தோழர்கள் ஊர்வலத்தில் பங் கேற்றுச் சென்றனர். ஊர்வலம் முடிவடைந்த பின்பு, அரங்க நிகழ்ச்சிகள் தொடர்ந்து நடை பெற்றன.

பகுத்தறிவாளர் கழகப் பொதுச்செயலாளர் தலைமையில் கருத்தரங்க அமர்வு

இந்தியாவில் அதிகமாகி வரும் சகிப்பின்மை (Rise of intolerance in India) எனும் தலைப்பில் கருத்தரங்க அமர்வு துவங்கியது. அமர்வினை பகுத் தறிவாளர் கழகப் பொதுச் செயலாளர் வீ.குமரேசன் தலைமையேற்று நடத்தினார். தனது உரையில் சகிப்புத் தன்மை எனும் தன்மை கடவுள், மத ஆதிக்கத்தில் சமூக அடி மைத்தனத்திற்கு வித்திட்ட வரலாற்றைச் சுருக்கமாக கூறி அதனை தகர்த்திட தந்தை பெரியார், மகாத்மா ஜோதி பாபுலே, சாகுமகராஜ், நாரா யணகுரு, அண்ணல் அம்பேத் கர் ஆகியோர் பாடுபட்ட விதம் குறித்து விளக்கினார். தற் பொழுது நிலவுவதாகக் கூறுப் படும் சகிப்பின்மை என்பது மத வெறியாளர்கள் தங்களது ஆதிக்க நிலைப்பாட்டிற்கு ஏற்றவாறு கற்பிக்கப்படுகின்ற நிலைமையே எனப் பேசினார்.


மதச்சார்பற்ற நாடு என அரசமைப்புச்சட்ட ரீதியாக இந்தியா இருந்தாலும் செயல் பாட்டைப் பொறுத்த அளவில் எல்லாம் மாறுபட்டு, வேறு பட்டு உள்ள நிலைமை விளக்கப் பட்டது. ராஜஸ்தான் மாநிலம் - ஜெய்ப்பூரில் நடைபெற்ற இலக்கியத் திருவிழாவில் சாத் தானின் வேதங்கள் எழுதிய எழுத்தாளர் சல்மான் ருஷ்டி பங்கேற்பதை தடுக்கும் விதமாக மத ஆதிக்க சத்திகள் நடந்து கொண்ட விதம், அதற்கேற்ப அரசின் கண்டும் காணாத பொறுப்புள்ள அணுகுமுறைப் போக்கு ஆகியவற்றைக் கண் டித்து தமிழர் தலைவர் கி.வீரமணி விடுதலை இதழில் விரிவாக விடுத்த கண்டன அறிக்கையினைப்பற்றி விளக்கிப்பேசினார். சகிப் பின்மை என்பது பகுத்தறி வாளர் அணுகுமுறையில் புரிந்துகொள்ளப்படவேண்டும். அதுவே நிலைத்து நிற்கும் இணக்கத்தை சமுதாயத்தில் ஏற்படுத்தும் என நிறைவாகக் கூறி முடித்தார். அமர்வில் ஒரிஸா பகுத்தறிவாளர் மன்றத் தலைவர்பேராசிரியர் தானேஸ்வர் சாகு, விஜயவாடா நாத்திகர் மய்யத்தின் இயக்குநர் கோ.விஜயம், ஒரிஸ்ஸா -ஹஆடீகுடீஐ அமைப்பின் தலைவர் இராமச் சந்திர சி.எஸ்டி., வால்டேர், ஜார்கண்ட் மாநில சமூக நலத்திற்கே அறிவியல் அமைப் பின் தலைவர் டாக்டர் ஆனந்த், விசாகபட்டினம் இந்திய நாத்திகர் சங்கத்தலைவர் ஜெய கோபால், பஞ்சாப் தர்க்சீல சங்கத்தின் தலைவர், பேராசி ரியர் பல்வீர் சிங்பர்னாலா, ஆகியோர் பங்கேற்று கருத் துரை வழங்கினர்.

குழு விவாதத்தில் பகுத்தறிவாளர் கழகத் தலைவர் பங்கேற்பு

நண்பகல் உணவிற்குப் பின் நவீன சாமியார்களின் ஆன் மிகத் தொழில் (Modern Spiritual Godman’s Industry) எனும் தலைப்பில் குழு விவாதம் நடை பெற்றது. நிகழ்விற்கு இந்திய பகுத்தறிவாளர் சங்கங்களின் கூட்டமைப்புச் தேசியச் செய லாளர் ஆர்.ஜி.ராவ் தலைமை யேற்றார். பகுத்தறிவாளர் கழக மாநிலத் தலைவர் வா.நேரு, குழுவிவாதத்தில் பங்கேற்றுப் பேசினார். சாய்பாபா செய்த மோசடிகள், அவரது மறை விற்குப் பின் அந்த உண்மைகள் வெளிப்பட்ட நிலைமைகள் குறித்துப் பேசினார். காஞ்சி சங்கராச்சாரியார், ஆன்மிகப் போர்வையில் கிரிமினல் குற்றங்கள் புரிந்து நீதிமன்ற நடவடிக்கைகளில் உள்ளது பற்றியும், அந்த சங்கராச்சாரி யின் லீலைகளை திருவிளை யாடல்புராணம் என்ற தலைப் பில் தொடர் சொற்பொழிவு களாக தமிழர் தலைவர் கி.வீரமணி அவர்கள் ஆற்றிய செய்திகளையும் விரிவாகப் பேசினார். குழு விவாதத்தில் பிற மாநிலபகுத்தறிவாளர் அமைப்புப் பொறுப்பாளர்கள் பங்கேற்றுச் சிறப்பித்தனர்.

இந்திய பகுத்தறிவாளர் சங்க கூட்டமைப்பின் புதிய பொறுப்பாளர்கள் தெரிவு

இந்திய பகுத்தறிவாளர் சங்கங்களின் கூட்டமைப்பின் அடுத்த இரண்டு ஆண்டுக் களுக்கான பொறுப்பாளர்கள் ஒருமனதாக தெரிவு செய்யப் பட்டனர். கூட்டமைப்பின் தேசியத் தலைவராக பேராசி ரியர் நரேந்திர நாயக், தேசியச் செயலாளராக யு.கலாநாதன், தேசியத் துணைத்தலைவராக பகுத்தறிவாளர் கழகப் பொதுச் செயலாளர் வீ.குமரேசன், தென் மண்டல செயலாளராக பகுத் தறிவாளர் கழக மாநிலத் தலைவர் வா.நேரு, ஆகியோர் தெரிவுசெய்யப்பட்டனர். மேலும் பகுத்தறிவாளர் கழகப் பொதுச்செயலாளர் வடசேரி இளங்கோவன் மற்றும் துணைத் தலைவர் தகடூர் தமிழ்ச்செல்வி ஆகியோர் கூட்டமைப்பின் செயற்குழு உறுப்பினர்களாகச் சேர்க்கப்பட்டனர்.


இரண்டு நாள் நடைபெற்ற இந்திய பகுத்தறிவாளர் சங்கங் களின் கூட்டமைப்பு 8ஆவது தேசிய மாநாடு வருங்காலச் செயல்பாடு மென்மேலும் வலுப்பட்டு பரந்துபட வேண் டும் எனும் உறுதி மொழி யோடு தீர்மானங்கள் நிறை வேற்றப்பட்டு இனிதாக முடிவுற்றது.

மாநாட்டில் நிறைவேற்றப்பட்ட தீர்மானங்கள்:

1.2013ஆம் ஆண்டில் முதன் மைச் செயல்பாட்டுத் திட்ட மாக அரசியலிலிருந்து மதத் தைப் பிரித்திட வலியுறுத்தி நாடாளுமன்றம் நோக்கிய பயணம் நடத்துதல்

2. மதச்சார்பின்மை ஜன நாயக நாட்டில் நடைமுறைப் படுத்துவதற்கு ஏதுவாக உள்ள அம்சங்களை சட்ட வடிவ மாக்கிட தனியாக சட்டக்குழு (Law Commission) அமைத்திட வலியுறுத்தல்.

3. மூநடம்பிக்கை ஒழிப்பு, பில்லி சூனியம் அழிப்பு ஆகிய வற்றை கடுமையாக்கிட சட்டங் கள் கொண்டுவர அரசினை வலியுறுத்தல்

4. அனைவருக்கும் சமமான குடி உரிமைச் சட்டவடிவின் (ருகைடிசஅ ஊஎடை ஊடினந) முன்மாதி ரியை (Uniform Civil Code) பல்வேறு பகுத்தறி வாளர் அமைப்புகளுடன் கலந்து தயாரித்தல்.

5. நாட்டின் அனைத்துப் பகுதிகளிலும் மூடநம்பிக்கை ஒழிப்பு பயிற்சி முகாம்களை பரந்துபட்டு நடத்திடுதல்.

அண்மையில் படித்த புத்தகம் : இளைய தலைமுறைக்கு

நூல் தலைப்பு : இளைய தலைமுறைக்கு
ஆசிரியர் : தங்கவேலு மாரிமுத்து
பதிப்பகம் : விஜயா பதிப்பகம் ,20 ,ராஜ வீதி, கோயம்புத்தூர்-641001- 0422-2394614/2382614
முதல் பதிப்பு : மார்ச் 2008
பக்கங்கள் : 104 விலை ரூ 33

இருபது தலைப்புகள் , 104 பக்கங்களில் தங்கவேல் மாரிமுத்து அவர்களால் எழுதப்பட்ட புத்தகம் . SPARK- என்று சொல்வார்களே , அப்படிப்பட்ட ஒரு தீப்பொறி நூல் முழுக்க ஓடுகின்றது. சரியான திசையை, வழியை இன்றைய இளைய தலைமுறைக்கு காட்ட வேண்டுமே என்னும் தீப்பொறிதான் இப்புத்தகம்.

உள்ளத்திலிருந்து வரும் வார்த்தைகளாய், அனுபவத்தால் சொல்லப்படும் அறிவுரைகளாய், தடம் புரண்ட பலரைப் பார்த்து இப்படிப் போனார்களே எனும் மனம் பதை பதைப்பால், சொல்லித் திருத்த வேண்டுமே எனும் மனித நேயத்தால் மலர்ந்த புத்தகம் இது எனலாம்.

பக்கம் 12,13-ல் எதற்காகப் படிக்க வேண்டும் என்று மாணவ, மாணவிகளுக்கு பட்டியல் இட்டிருப்பது அருமை. பள்ளிக்கூடங்களில் இல்லாத கடவுளுக்கு காலையில் கடவுள் வாழ்த்துப்பாடுவதை விட இப்பக்கங்களை வாசிக்கச் சொல்லலாம்.மீண்டும் , மீண்டும் மாணவ, மாணவியர் காதுகளில் எதற்காகப் படிக்கவேண்டும் என்று ஒலிக்கும்போது , அது ஆழ்மனதில் ஆழமாகச் செல்ல வழி பிறக்கலாம்.

நண்பர்களைத் தேர்ந்தெடுக்க கொடுத்திருக்கும் ஆலோசனைகள் (பக்கம் 17,18) நன்று. தடம் புரண்ட பலர், தறுதலைகளாய் அமைந்த நட்புகளால் என்னும் எதார்த்தத்தை எழுத்துக்களில் வடித்து கொடுத்திருக்கிறார். மனிதர்களிடம் என்ன படிக்கவேண்டும் (பக்கம் 29 ) இன்றைய தேவை.

" கிடு கிடுவென்று ஏறுகின்றவர்களைப் படி , அந்த இரகசியத்தை தெரிந்துகொள், கிடு கிடுவென்று இறங்குபவர்களைப் படி , அந்த இரகசியத்தை தெரிந்து கொள் " நல்ல கருத்து. வெற்றி பெற்றவர்கள், வெற்றி பெற முயற்சித்து தோற்றவர்கள் குறித்து ஆராய்ச்சி செய்து , பிரபல ஆங்கில எழுத்தாளர் நெப்போலியன் கில் அவர்கள் கூறியது ஞாபகம் வந்தது எனக்கு " Procastination " - தள்ளிப்போடுகிறவர்கள் தோற்றுப்போகிறார்கள் என்பதனை விளக்கியிருப்பார்.

இன்றைய தலைமுறை , குறிப்பாக கல்லூரிக்குப் போகும் பெண்கள் 1 இட்லியும், 2 இட்லியும் மட்டுமே சாப்பிடும் நிலையைக் கண்டிருக்கிறேன். ஆரோக்கியம் குறித்து (33) தெளிவான அறிவுரை இருக்கின்றது.

நற்பண்புகள் ஏன் தேவை என்பது குறித்து விளக்கம் கொடுத்திருக்கின்றார். இன்றைய தலைமுறையை சமாளிக்க முடியாமல் திணறும் பெற்றோர்கள் இப்புத்தகத்தை வாங்கி , பிள்ளைகளிடம் கொடுத்து படிக்கச் சொல்லலாம். மதுரை மாவட்ட மைய நூலக எண் :184728. நூலகத்தில் வாங்கிப் படித்தாலும் இப்புத்தகத்தை விலைக்கு வாங்கி என் பிள்ளைகளிடம் கொடுக்க நினைத்திருக்கிறேன்.